Təcili: İranda zənginləşdirmə dayandırılır

SON XƏBƏRLƏR

Təcili: İranda zənginləşdirmə dayandırılır

2026.04.16, 23:21

Tramp: İran zənginləşdirməni dayandırmağa və nüvə materiallarını təhvil verməyə razılaşıb!

Gunaz.tv

Gunaz TV-nin məlumatına görə, ABŞ prezidenti “Donald Tramp” son açıqlamasında bildirib ki, İran zənginləşdirilmiş uranı təhvil verməyə və zənginləşdirmə proqramını tam dayandırmağa razılaşıb və tərəflər “böyük bir razılaşmaya çox yaxındır”.

Tramp 16 aprel 2026-cı il, cümə axşamı günü Ağ Evdə jurnalistlərlə söhbətində deyib: “Onlar razılaşıblar ki, nüvə ‘tozunu’ bizə geri versinlər.” O, həmçinin vurğulayıb: “Çox böyük ehtimal var ki, yaxın zamanda razılaşma əldə edəcəyik.”

O əlavə edib ki, tərəflər arasında növbəti görüş bu həftəsonu baş tuta bilər; bu isə danışıqlar prosesinin sürətləndiyini göstərir.

Tramp həmçinin bir daha iddia edib ki, İran “qəti şəkildə razılaşıb” heç vaxt nüvə silahına sahib olmamaqla bağlı; bu mövqeni o, son günlərdə dəfələrlə təkrar edib.

ABŞ prezidenti daha əvvəl “Truth Social” şəbəkəsində paylaşımında da qeyd etmişdi: “Heç bir uran zənginləşdirilməsi olmayacaq və ABŞ İranla birlikdə dərinlikdə basdırılmış bütün nüvə ‘tozunu’ çıxaracaq və aradan qaldıracaq.”

Bu açıqlamalara əsasən, Trampın “nüvə tozu” dedikdə nəzərdə tutduğu, zənginləşdirilmiş urandır ki, onun sözlərinə görə yerin dərin qatlarında saxlanılır və iki tərəfin əməkdaşlığı ilə çıxarılacaq.

ABŞ mənbələri və nüfuzlu media qurumları da bildiriblər ki, Vaşinqton və Tehran ilkin çərçivə razılaşmasına yaxınlaşıb və yaxın günlərdə yekun razılaşmanın əldə olunması ehtimalı artıb.

Günaz TV
R.G

GUNAZ.TV

SON XƏBƏRLƏR