Budapeştdə İrana həsr olunmuş iclas keçirilib

SON XƏBƏRLƏR

Budapeştdə İrana həsr olunmuş iclas keçirilib

2026.04.21, 12:29

Macarıstanın paytaxtı Budapeştdə, İran İslam İnqilabı Keşikçiləri Korpusu (SEPAH) və İran İslam Respublikası Kəşfiyyat Nazirliyinin fəaliyyətinə həsr olunmuş "Transmilli Terrorizmə Qarşı Mübarizə Forumu"nun beşinci iclası keçirilib.

Gunaz.tv

İclas 14-15 aprel tarixlərində keçirilsə də, ABŞ Dövlət Departamenti aprelin 20-də bu barədə bəyanat yayıb.

İclas Yaxın Şərq, Avropa, Afrika, Asiya və Amerika da daxil olmaqla dünyanın müxtəlif bölgələrindən 35 ölkənin iştirakı ilə keçirilib və məqsədi İslam Respublikası və onun təmsilçilərinin terror fəaliyyətlərinə qarşı mübarizə olub.

Bəyanatda bildirilir ki, bu 35 ölkədən siyasətçilər və hüquq-mühafizə qüvvələri həmrəylik ifadə etmək və İranın və onunla əlaqəli qrupların və tərəfdaşların terror fəaliyyətlərinə qarşı mübarizə aparmaq üçün tədbirlər görmək niyyətilə bir araya gəliblər.

Bəyanata görə, iclasda iştirak edən rəsmilər və hüquq-mühafizə qüvvələri dünyanın müxtəlif yerlərində baş verən son hücumlarda İnqilab Keşikçiləri Korpusunun və Kəşfiyyat Nazirliyinin, eləcə də onların əlaqəli şəbəkələrinin yeni metodları və taktikalarını müzakirə ediblər.

İştirakçılar həmçinin bu təhdidlərə qarşı "davamlı sayıqlığın" vacibliyini vurğulayıb və müvafiq şəxslərin səyahətlərinin məhdudlaşdırılması, ciddi viza yoxlamalarının aparılması, məhkəmə təqibi və sanksiyaların tətbiqi və terror hallarının müəyyən edilməsi daxil olmaqla, onlara qarşı mübarizə strategiyaları barədə fikir mübadiləsi aparblar.

Görüşə ABŞ Dövlət Departamentinin Terrorizmlə Mübarizə İdarəsinin yüksək vəzifəli rəsmisi Monika Ceykobson sədrlik edib.

Qeyd edək ki, Transmilli Terrorizm Forumu 2019-cu ildə "İslam Respublikası ilə əlaqəli terror fəaliyyətləri və transmilli cinayətlər" barədə qlobal koordinasiyanı və məlumatlılığı artırmaq məqsədi ilə yaradılıb.

GünazTV

GUNAZ.TV

SON XƏBƏRLƏR