ABŞ-ın İrana qarşı dəniz təzyiqi güclənib

SON XƏBƏRLƏR

ABŞ-ın İrana qarşı dəniz təzyiqi güclənib

2026.05.13, 18:54

CENTCOM bildirib ki, İran limanlarına doğru hərəkət edən 67 ticarət gəmisinin istiqaməti dəyişdirilib.

Gunaz.tv

Gunaz TV-nin məlumatına görə, ABŞ Mərkəzi Komandanlığı (CENTCOM) İran limanlarının dəniz mühasirəsinin davam etdiyini vurğulayaraq, əməliyyat başlayandan bəri humanitar yardım daşıyan 15 gəmiyə keçid icazəsi verildiyini açıqlayıb.

CENTCOM X sosial şəbəkəsində yaydığı açıqlamada bildirib ki, ABŞ qüvvələri son dörd həftə ərzində 67 ticarət gəmisini marşrutunu dəyişməyə məcbur edib və bu mühasirənin icrası çərçivəsində dörd gəmini “fəaliyyətsiz vəziyyətə salıb”.

Komandanlıq həmçinin açıqlayıb ki, həftənin əvvəlində daha iki ticarət gəmisi ABŞ qüvvələrinin radio əlaqəsi və xəbərdarlıq atəşindən sonra istiqamətini dəyişərək İran limanlarına doğru hərəkətdən imtina edib.

Məlumata görə, ABŞ İranla üzbəüz danışıqların nəticəsiz qalmasından sonra İran limanlarının dəniz mühasirəsinə başlayıb. İran isə müharibənin əvvəlindən Hörmüz boğazını bağlayıb.

ABŞ və İran İslamabadda atəşkəsin elan olunmasından sonra Pakistanda bir raund üzbəüz danışıqlar aparmışdı. Lakin bu danışıqların uğursuzluğa düçar olması və qarşılıqlı təkliflərin nəticə verməməsindən sonra gərginlik yeni mərhələyə keçib.

GünAzTV
R.G

GUNAZ.TV

SON XƏBƏRLƏR