Ukraynanın Rusiyaya ən böyük pilotsuz uçuş aparatı hücumu: ölənlər var

SON XƏBƏRLƏR

Ukraynanın Rusiyaya ən böyük pilotsuz uçuş aparatı hücumu: ölənlər var

2026.05.18, 07:32

Ukrayna Rusiyaya cavab verdi; Minlərlə dron Moskva bölgəsinə hücum edib.

Gunaz.tv

Gunaz TV-nin məlumatına görə, Ukraynanın Moskva bölgəsinə son bir ildən çox müddətdə həyata keçirdiyi ən böyük pilotsuz uçuş aparatı hücumu nəticəsində azı üç nəfər ölüb, 12 nəfər yaralanıb.

Rusiya Müdafiə Nazirliyi bildirib ki, ölkənin ən azı 12 bölgəsində 1000-dən çox Ukrayna dronu vurulub. Rusiya rəsmilərinin sözlərinə görə, yalnız Moskva istiqamətində hərəkət edən 81 dron məhv edilib.

Moskva vilayətinin qubernatoru Andrey Vorobyov bir neçə yaşayış binası və infrastruktur obyektinin zərər gördüyünü, xilasedicilərin isə dağıntılar altında qalanları axtardığını deyib.

Belqorod bölgəsində də Ukrayna sərhədi yaxınlığında daha bir nəfərin öldüyü bildirilir.

Bu hücum, Rusiyanın iki gün əvvəl Kiyevə raket zərbəsi endirməsindən sonra baş verib. Həmin hücumda 24 nəfər, o cümlədən üç uşaq ölüb.

Ukrayna Prezidenti Volodimir Zelenski hücumu təsdiqləyərək bildirib: “Rusiyanın müharibəni davam etdirməsinə və şəhərlərimizə hücumlarına cavablarımız tam əsaslıdır.”

GünAzTV
R.G

GUNAZ.TV

SON XƏBƏRLƏR