Contact Us

SON XƏBƏRLƏR

Azərbaycan və İran sərhədi açıldı

2026.05.20, 18:06
Azərbaycan və İran sərhədi açıldı

Azərbaycan sərhədindən İrana avtomobil gətiriləcək.

Gunaz.tv

Gunaz TV-nin məlumatına görə, İran hökumətinin yeni qərarına əsasən, Ərdəbil Azad Bölgəsinin Biləsuvar gömrüyü avtomobillərin rəsmiləşdirilməsi üçün icazəli gömrük məntəqələrindən biri elan edilib. Bu qərarla İran və Azərbaycan sərhədindən avtomobil idxalı üçün yeni marşrut aktivləşdirilib.

Bu addım avtomobil idxalına qoyulan şərti məhdudiyyətlərin yumşaldılmasından və xarici avtomobillərə artan tələbatdan sonra atılıb. İran rəsmiləri bildirirlər ki, məqsəd idxal prosesini sürətləndirmək, sıx gömrük məntəqələrində yükü azaltmaq, nəqliyyat və anbar xərclərini aşağı salmaqdır.

Yeni marşrutun açılması ilə avtomobillərin gömrükdən buraxılış sürətinin artacağı, anbar imkanlarının daha effektiv istifadə olunacağı və bəzi əməliyyat xərclərinin azalacağı gözlənilir.

Biləsuvar gömrüyü Qafqaz ticarət marşrutlarına və Azərbaycanla sərhədə yaxınlığı səbəbilə İranın şimal-qərb ticarətində strateji əhəmiyyət daşıyır.

 

GünAzTV
R.G
 

Açar Sözlər :

SEÇİLMİŞ XƏBƏRLƏR

Çox oxunanlar