Tehran Türkiyənin nüvə böhranını həll etmək təklifindən qəzəbləndi

SON XƏBƏRLƏR

Tehran Türkiyənin nüvə böhranını həll etmək təklifindən qəzəbləndi

2026.05.21, 23:00

Türkiyənin İranın nüvə böhranını həll etmək və müharibəni dayandırmaq üçün diplomatik səyləri İranın aqressiv cavabı ilə qarşılanıb.

Gunaz.tv

İran həll yolunu qəbul etmək əvəzinə Türkiyəni təhdid edib. Türkiyə diplomatik yollarla böhranın dərinləşməsinin və İranın yeni müharibəyə sürüklənməsinin qarşısını almağa çalışdığı halda, İran rəsmiləri nəinki bu həll yoluna müsbət yanaşır, hətta gərginliyi azaltmağa çalışan ölkələrə də təhdidedici dillə cavab verirlər.

Gunaz TV-nin məlumatına görə, Türkiyə İranın nüvə böhranının dərinləşməsinin və bölgənin genişmiqyaslı müharibəyə sürüklənməsinin qarşısını almağa çalışdığı bir vaxtda, İran parlamentinin deputatlarından biri Hakan Fidanın açıqlamalarına sərt hücum edib.

İran parlamentinin Milli Təhlükəsizlik və Xarici Siyasət Komissiyasının üzvü Əli Xızriyan Hakan Fidanın İranın zənginləşdirilmiş uran ehtiyatlarına nəzarətlə bağlı təklifinə reaksiya verərək iddia edib ki, İran heç bir ölkənin onun üçün qərar verməsinə icazə verməyəcək.

O, təhdidedici tonla Türkiyənin xarici işlər nazirinə müraciət edərək bildirib ki, bundan sonra İranla bağlı öz ölkəsinin sərhədlərindən kənarda “olmalıdır” sözünü işlətməməlidir və əlavə edib: “Türkiyə öz sərhədlərini və həddini qorusun ki, iki ölkə arasında qarşılıqlı hörmət davam etsin.”

Bu reaksiya Hakan Fidanın mayın 18-də Almaniyanın xarici işlər naziri ilə keçirdiyi birgə mətbuat konfransında böhranın dərinləşməsinin qarşısını almağın vacibliyini vurğulayaraq “İranın zənginləşdirilmiş uran ehtiyatları ya ölkədən çıxarılmalı, ya da təhlükə yaratmayacaq səviyyəyə — təxminən 3,5 faizə endirilməlidir” deməsindən sonra gəlib.

Türkiyənin xarici işlər naziri həmçinin xatırladıb ki, əvvəlki nüvə sazişi təcrübəsi göstərib ki, tərəflərdə siyasi iradə olarsa, diplomatik həll yolu hələ də mümkündür.

İran rəsmisinin Ankaraya qarşı sərt açıqlamaları Türkiyənin son həftələrdə bölgədə qarşıdurmanın genişlənməsinin qarşısını almağa çalışdığı bir dövrdə səslənib.

GünAzTV
R.G

GUNAZ.TV

SON XƏBƏRLƏR