SEPAH: ABŞ ilə ilkin razılaşma baş tutmaya bilər

SON XƏBƏRLƏR

SEPAH: ABŞ ilə ilkin razılaşma baş tutmaya bilər

2026.05.24, 21:57

Gunaz.tv

Gunaz TV-nin məlumatına görə, ABŞ ilə İran arasında ilkin razılaşmanın əldə olunacağı ilə bağlı ehtimalların artdığı bir vaxtda, SEPAH-a yaxınlığı ilə tanınan Tasnim xəbər agentliyi bu anlaşmanın ciddi maneələrlə üzləşdiyini və hətta tamamilə baş tutmamaq ehtimalının olduğunu yazıb.

Məlumata görə, ABŞ İranın dondurulmuş maliyyə vəsaitlərinin azad edilməsi də daxil olmaqla bəzi əsas maddələrdə “maneə yaradır” və bu, razılaşmanın yekunlaşmasını qeyri-müəyyən vəziyyətə salıb.

Eyni zamanda, amerikalı bir rəsmi CNN-ə bildirib ki, İranın dondurulmuş vəsaitlərinin azad olunması Hörmüz boğazının açılması və Tehranın nüvə öhdəliklərinə əməl etməsi ilə bağlı olacaq.

Həmin rəsmi vurğulayıb ki, İranın nüvə proqramı məhdudlaşdırılmadan sanksiyaların yumşaldılması mümkün deyil və mümkün razılaşmada nəzərdə tutulan aktivlərin azad edilməsi ilə bağlı hələ yekun danışıqlar aparılmayıb.

O həmçinin bildirib ki, İranın nüvə ehtiyatlarının necə məhv ediləcəyi və ya ölkədən necə çıxarılacağı ilə bağlı müzakirələr hələ də davam edir.

Bu hadisələr yalnız bir neçə saat əvvəl Tehranla Vaşinqton arasında ilkin anlaşmaya yaxınlaşıldığı barədə xəbərlərin yayılmasından sonra baş verir. Son açıqlamalar göstərir ki, nüvə dosyesi və iqtisadi güzəştlərlə bağlı fikir ayrılıqları hələ də qalmaqdadır.

GünAzTV
R.G

GUNAZ.TV

SON XƏBƏRLƏR