Contact Us

SON XƏBƏRLƏR

Ağ Ev: Heç kim İran mediasına inanmasın

2026.05.28, 07:20
Ağ Ev: Heç kim İran mediasına inanmasın

Gunaz.tv

Gunaz.tv-nin məlumatına görə, Ağ Ev İran dövlət televiziyasının Tehran və Vaşinqton arasında mümkün razılaşma ilə bağlı yaydığı xəbəri “tamamilə saxta” adlandırıb və insanları İranın hökumət mediasına inanmamağa çağırıb.

İran dövlət televiziyası ABŞ və İran arasında mümkün 14 maddəlik anlaşma çərçivəsinin “ilkin qeyri-rəsmi sənədinə” çıxış əldə etdiyini iddia etmişdi.

Həmin məlumata görə, ABŞ İran ətrafındakı hərbi qüvvələrini geri çəkməyi və dəniz blokadasını dayandırmağı öhdəsinə götürüb. Bunun qarşılığında isə İran bir ay ərzində Hörmüz boğazından kommersiya gəmilərinin keçidini müharibədən əvvəlki vəziyyətə qaytarmağı qəbul edib.

İran televiziyası həmçinin Hörmüz boğazında gəmilərin hərəkətinin İran və Oman əməkdaşlığı ilə idarə olunacağını iddia edib.

Məlumatda bildirilib ki, yaxın 60 gün ərzində yekun razılaşma əldə olunarsa, bu anlaşmanın BMT Təhlükəsizlik Şurasında məcburi qətnaməyə çevrilməsi mümkün ola bilər.

İran dövlət televiziyası əlavə edib ki, bu memorandum hələ yekunlaşmayıb və İran “praktiki təsdiq” olmadan heç bir addım atmayacaq.

Bu iddiaların yayılmasından sonra Ağ Ev sərt reaksiya verib və “X” sosial şəbəkəsində paylaşdığı açıqlamada bildirib: “İranın nəzarətində olan media qurumlarının yaydığı bu məlumat doğru deyil və paylaşdıqları memorandum tamamilə saxtadır. Heç kim İran dövlət mediasının yaydığı məlumatlara inanmamalıdır. Əhəmiyyətli olan faktlardır”.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar