Israel Hayom: Mossad İran rejiminin çöküşünü sürətləndirmək üçün gizli bir bölmə yaradıb

SON XƏBƏRLƏR

Israel Hayom: Mossad İran rejiminin çöküşünü sürətləndirmək üçün gizli bir bölmə yaradıb

2026.05.29, 11:40

"Israel Hayom"un məlumatlına görə, Mossad İslam Respublikasına qarşı nüfuzetmə və sabitliyi pozma əməliyyatlarını sürətləndirmək üçün gizli bir bölmə yaradıb və bu bölmə Tehranın çöküşünü sürətləndirməyə yönəlmiş daha geniş strategiyanın bir hissəsinə çevrilib.

Gunaz.tv

İsrail qəzeti bildirib ki, bu bölmə David Barnea Mossad rəhbəri olduqdan sonra, 2021-ci ildə yaradılıb. Bölmə ilkin mərhələdə İranın yüksək vəzifəli rəsmilərini təsir mövqelərindən uzaqlaşdırmaq üçün istifadə olunub.

Yalnız “O.” adı ilə təqdim olunan keçmiş şöbə rəhbəri Israel Hayom-a deyib ki, bu cür əməliyyatlar “sui-qəsddən daha ucuz və daha sadədir” və Mossad artıq İranda bir neçə yüksək vəzifəli şəxsin vəzifədən uzaqlaşdırılmasına səbəb olub.

O bildirib ki, İran rejiminin devrilməsi Mossadın əsas missiyalarından birinə çevrilib və son əməliyyatların tamamlanmış kampaniya deyil, uzunmüddətli prosesin bir hissəsi olduğunu vurğulayıb.

“Biz İranla işimizi bitirməmişik. Biz hələ yeni başlayırıq,” — deyə o bildirib.

"Israel Hayom" həmçinin son vaxtlar Barnea ilə danışmış mənbələrə istinadən yazıb ki, Mossad rəhbəri Amerika ilə İran arasında İran iqtisadiyyatının bərpasına imkan verəcək razılaşma imzalanmazsa və blokada davam edərsə 2026-cı ilin sonuna qədər İslam Respublikasının çökə biləcəyini hesab edir.

Oxumaq üçün: "Secret Mossad branch revealed"

- Cəfər Cəfərli

Açar Sözlər :

İran
Mossad

GUNAZ.TV

SON XƏBƏRLƏR