Contact Us

SON XƏBƏRLƏR

Urmiya vilayətində yerləşən Quluncu kəndinin bələdiyyəsi kəndin tarixi türkcə yer adlarını bərpa edib

2026.06.05, 12:56
Urmiya vilayətində yerləşən Quluncu kəndinin bələdiyyəsi kəndin tarixi türkcə yer adlarını bərpa edib

Quluncu kəndinin bələdiyyəsi kəndin tarixi kimliyini qorumaq və mədəni keçmişini tanıtmaq məqsədilə kəndin müxtəlif küçələrində lövhələr quraşdırıb. Həmin lövhələrdə kəndin tarixi türkcə yer adları yazılıb.

Gunaz.tv

“Aşıqlar, Xırda Yol, Katib Oğlu, Avqan, Dəniz Yolu, Karna Yolu” kimi adlar bu lövhələrdə yer alır və bölgə əhalisinin dil və mədəni irsini əks etdirir. Bu təşəbbüs kənd sakinləri və yerli əhali tərəfindən müsbət qarşılanıb.

Son illərdə Güney Azərbaycan türkləri arasında milli kimlik və yerli mədəni irsə marağın artması ilə bərabər, tarixi və yerli adların qorunması məsələsi daha çox diqqət mərkəzinə gəlib. Bu çərçivədə vətəndaşlar yerli bələdiyyələrə müraciət edərək küçə və məhəllələrin orijinal türk adlarının bərpasını tələb edirlər.

Bundan əvvəl də Zəncan vilayətinin Tarım rayonunun Çəmələ kəndi, Məlikkəndi rayonunun Qaraçala kəndi, Ərdəbilin Kura Bazlı kəndi, eləcə də Daşmakı və Urmiya şəhər şuraları da oxşar təşəbbüslərlə küçə adlarının türk formalarını bərpa etmişdi.

 

Ş.A

Açar Sözlər :

SEÇİLMİŞ XƏBƏRLƏR

Çox oxunanlar