“Urmiyə Aşıq Məktəbi Musiqisi Ensiklopediyası” kitabının təqdimatı keçirilib

SON XƏBƏRLƏR

“Urmiyə Aşıq Məktəbi Musiqisi Ensiklopediyası” kitabının təqdimatı keçirilib

2026.06.16, 13:22

“Urmiyə Aşıq Məktəbi Musiqisi Ensiklopediyası” kitabının təqdimatı keçirilib

Gunaz.tv

Musiqi üzrə mütəxəssis və Qərbi Azərbaycan Musiqi Assosiasiyasının rəhbəri Daryuş Əlizadənin müəllifi olduğu “Urmiya Aşıq Məktəbi Musiqisi Ensiklopediyası” kitabı Urmiyada keçirilən mərasimdə təqdim olunub. Tədbirdə bir sıra sənətkarlar, mədəniyyət və incəsənət həvəskarları, eləcə də əyalət rəsmiləri iştirak ediblər.

Daryuş Əlizadə kitabın yaranma prosesi barədə danışaraq bildirib ki, aşıq musiqisi sahəsinə marağı müxtəlif mənbələri araşdırarkən yaranıb və onu belə bir sual düşündürüb: niyə aşıqlar şairlər kimi ensiklopedik mənbələrdə kifayət qədər tanıdılmayıb.

Müəllif kitabın hazırlanmasının 12 il çəkdiyini vurğulayıb və gələcəkdə də bu ensiklopediyaya yeni araşdırmalar və materiallar əlavə etməyi planlaşdırdığını bildirib. Onun sözlərinə görə, bu sahədə tədqiqat heç vaxt tam bitmir.

Əlizadə həmçinin aşıq musiqisinin inkişafı üçün “aşıqlar ocağı” adlı bir mərkəz yaratdıqlarını qeyd edib. Burada müxtəlif rayonlardan olan sənətçilər bir araya gələrək həftəlik proqramlarda iştirak edir və daha sıx əməkdaşlıq edirlər.

O, bu sənətin davamlılığı üçün həm cəmiyyətin, həm də dövlətlərin dəstəyinin vacib olduğunu vurğulayıb və sənətkarların da öz fəaliyyətlərini genişləndirməli olduqlarını bildirib.

Ş.A

GUNAZ.TV

SON XƏBƏRLƏR