Contact Us

SON XƏBƏRLƏR

Qalibaf HƏMAS-la görüşündə: ABŞ-la sülhümüz yoxdur

2026.07.06, 06:44
Qalibaf HƏMAS-la görüşündə: ABŞ-la sülhümüz yoxdur

Gunaz.tv

Gunaz TV-nin məlumatına görə, İran parlamentinin sədri Məhəmmədbaqir Qalibaf bazar günü HƏMAS-ın Rəhbərlik Şurasının sədri Məhəmməd Dərvişlə görüşdə keçmiş İran lideri Əli Xameneinin “qanının alınmasının” davam etdiriləcəyini vurğulayaraq deyib: “Bizim ABŞ ilə sülhümüz yoxdur və İsraili tanımayacağıq.”

İran mediasının məlumatına görə, Qalibaf görüş zamanı İran və ABŞ arasında imzalanmış anlaşma memorandumuna toxunaraq bildirib: “Onun həyata keçirilməsi çətindir, amma mümkündür.”

Məlumatlara əsasən, İran və ABŞ prezidentləri arasında imzalanan memorandum iki ölkə arasında 60 günlük atəşkəsi uzadıb. Bu müddət ərzində Tehranın nüvə proqramı da daxil olmaqla bir sıra məsələlər üzrə danışıqların aparılması və yekun razılaşmanın əldə olunması nəzərdə tutulur.

Memorandumun icrasından sonra İranın dəniz nəqliyyatına tətbiq olunan məhdudiyyətlər qismən aradan qaldırılıb və Hörmüz boğazı yenidən beynəlxalq gəmiçilik üçün qismən açılıb. Bu strateji su yolu İran, ABŞ və İsrail arasında baş vermiş 40 günlük müharibə zamanı ciddi məhdudiyyətlərlə üzləşmişdi.

Qalibaf danışıqlarla bağlı mövqeyini ifadə edərək deyib: “Diplomatiya və danışıqlar hərbi düyünü açmalı, döyüşçülərin nailiyyətlərini qorumalı və möhkəmləndirməlidir.”

HƏMAS ABŞ və Avropa İttifaqı tərəfindən terror təşkilatları siyahısına daxil edilib. Hizbullah isə ABŞ tərəfindən terror təşkilatı kimi tanınır.

 

Gunaz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar