Britaniya İranın siyasi təsirindən narahatdır

SON XƏBƏRLƏR

Britaniya İranın siyasi təsirindən narahatdır

2026.07.06, 08:32

Britaniyada xarici maliyyəyə qarşı yeni qaydalar qüvvəyə minir; İran, Rusiya və Çin hədəfdədir.

Gunaz.tv

Gunaz TV-nin məlumatına görə, Böyük Britaniya hökuməti bazar ertəsi xaricdən siyasi maliyyə yardımlarının qəbuluna dair qaydaları sərtləşdirdiyini açıqlayıb. Rəsmi açıqlamada bildirilib ki, dəyişikliklərin məqsədi seçkilərə xarici maliyyə təsirinin qarşısını almaq və “şübhəli maliyyələşdirmə” halları ilə mübarizə aparmaqdır.

Bu qərar Böyük Britaniyanın siyasi həyatına xarici müdaxilələrlə bağlı hesabat dərc olunduqdan sonra qəbul edilib. Həmin hesabatda İran, Rusiya və Çin ölkənin demokratik proseslərinə və siyasi mühitinə təsir göstərməyə çalışan dövlətlər sırasında göstərilib.

Yeni qaydalara əsasən, seçkiyə namizəd olan şəxslər namizədliklərini rəsmi elan etməzdən əvvəl aldıqları 2 min 230 funt sterlinqdən artıq bütün maliyyə yardımlarını bəyan etməli və həmin vəsaitin qanuni mənbədən gəldiyini sübut etməlidirlər.

Bundan başqa, Böyük Britaniyaya yeni köçmüş şəxslər yalnız bir il daimi yaşayış hüququ əldə etdikdən sonra 100 min funt sterlinq və ya daha çox məbləğdə siyasi ianə verə biləcəklər.

Yeni qaydaların açıqlanması Böyük Britaniyanın İslahat Partiyasının lideri Naycel Farac barədə aparılan araşdırma ilə eyni vaxta təsadüf edib. Araşdırma Taylandda yaşayan kriptovalyuta investorunun verdiyi 5 milyon funt sterlinqlik ianənin bəyan olunması ilə bağlıdır. Partiya isə bu prosesdə heç bir qanunun pozulmadığını bildirib.

Britaniya hökuməti vurğulayıb ki, bu dəyişikliklərin əsas məqsədi maliyyə şəffaflığını artırmaq, seçki prosesini qorumaq və xarici aktorların ölkənin siyasi sisteminə təsir imkanlarını məhdudlaşdırmaqdır.

Gunaz TV
R.G

GUNAZ.TV

SON XƏBƏRLƏR