Xamenei ilə vida mərasində nə qədər insan iştirak edib?

SON XƏBƏRLƏR

Xamenei ilə vida mərasində nə qədər insan iştirak edib?

2026.07.11, 09:29

İranın keçmiş rəhbəri Əli Xamenei ilə Tehranda keçirilən vida mərasimində maksimum on minlərlə insan iştirak edib.

Gunaz.tv

Bunu mütəxəssislər və sosial media fəalları tabutun marşurut xəttinin insn tutumu və Əli Xameneinin ofisinin yaydığı fotolara istinadən bildiriblər.

Onların sözlərinə görə, mərasimdə iştirak edənlərin əhəmiyyəti hissəsi SEPAH, "Bəsic" qüvvələri, mülki geyimli təhlükəsizlik və polis məmurları, onların ailə üzvləri də olub.

Bununla yanaşı Əfqanistan, Pakistan, İraq, gürcüstan, Hindistan və başqa ölkələrdən dəvət olunan qonaqlar, İranda dini təhsil alan tələbələr da vida mərasimi iştirakçıları arasında yüksək rəqəm təşkil ediblər.

Xameneinin vida mərasimi üçün marşrutun əvvəlcə İmam Hüseyn meydanının şərqindəki Dəmavənd küçəsinin başlanğıcından Azadi meydanı və Ləşkəri şossesinin qərbinə və yan yollara qədər olacağı elan edilmişdi. İlkin marşrutun uzunluğu 10 kilometrdən çox idi, ancaq vida mərasiminin başlamasından bir neçə saat əvvəl qəfildən cənazənin Şərif Universitetinin ətrafından təxminən 1 kilometr aralıda olan Azadi meydanına aparılacağı elan edildi.

Bu marşrutun uzunluğu və enini nəzərə alanda isə həmin ərazinin ümumi sahəsinin 78 min kvadratmetr olduğu və buraya yalnız bir neçə 10 min nəfərin sığışa biləcəyi məlum olur.

Mütəxəssislər havadan çəkilən fotolar və marşrutların uzunluğu və enini nəzərə alaraq, Qum və Məşhəd şəhərlərində də iddia olunan rəsmi rəqəmdən onlar dəfə az insanın mərasimlərdə iştirak etdiyini bildirirlər.

Bununla yanaşı onlar Əli Xameneinin vida və dəfn mərasiminin iştirakçı sayına görə rekord vurduğu barədə iddiaların da həqiqətə uyğun olmadığını, əksər foto və videoların sünni intellekt vasitəsilə hazırlandığını da qeyd edirlər.

Onların sözlərinə görə, Misirin keçmiş lideri Camal Əbdülnasir, misirli müğənni Ümülgülsüm, Papa II İohann Pavel, Braziliyalı Formula 1 pilotu Ayrton Senna, azərbaycanlı şair Məhəmməd Hüseyn Şəhriyar və başqa bir neçə şəxsin dəfn mərasimində iştirak edənlərin sayı Əli Xameneinin dəfn mərasimində iştirak edənlərin sayında qat-qat çox olub.

Qeyd edək ki, 18 sentyabr 1988-ci ildə Tehranda dünyasını dəyişən Məhəmməd Hüseyn Behcət-i Təbrizi (Şəhriyar) sentyabrın 20-də Təbrizdə dəfn olunub.

İran mediası və əlaqədar rəsmi dövlət qurumları, Şəhriyarla vida mərasimini İranın müasir tarixində hökumət tərəfindən əvvəlcədən təşkil olunmadığına və insanların könüllü iştirakına görə ən izdihamlı və möhtəşəm tədbir olduğunu bildiriblər.

Rəsmi statistikaya görə, Azərbaycan şəhərlərindən və İranın başqa bölgələrindən təbrizli şairin dəfn mərasimndə iştirak edənlərin sayı 300,000 civarında olub.

GünazTV

GUNAZ.TV

SON XƏBƏRLƏR