Contact Us

SON XƏBƏRLƏR

Cənub-şərqi Tehranı bir neçə partlayış silkələdi

2026.07.11, 16:45
Cənub-şərqi Tehranı bir neçə partlayış silkələdi

Partlayış səsləri Pakdəşt və Qiyamdəşt bölgələrindən eşidildi.

Gunaz.tv

Gunaz TV-nin məlumatına görə, şənbə günü səhər İranın bəzi media orqanları Tehranın cənub-şərqində yerləşən Pakdəşt və Qiyamdəşt bölgələrində bir neçə partlayış səsinin eşidildiyini və tüstünün müşahidə olunduğunu bildiriblər.

Məlumatların yayılmasından qısa müddət sonra İran xəbər agentlikləri Pakdəştin fərmandarına istinadən partlayışların “müharibədən qalan sursatların məhv edilməsi və Parçin hərbi bölgəsində aparılan adi fəaliyyətlərlə bağlı olduğunu” açıqlayıblar.

İran mediası həmin rəsmiyə istinadən yazıb ki, bu “əvvəlcədən planlaşdırılmış nəzarətli əməliyyat idi”. Bununla belə, partlayışlardan əvvəl ictimaiyyətə niyə məlumat verilmədiyi barədə heç bir izahat təqdim olunmayıb.

Bir neçə saat sonra SEPAH-a yaxın olan Fars Xəbər Agentliyi Seyyidüş-Şühəda Korpusuna istinadən bildirib ki, “təhlükəsizləşdirmə əməliyyatı təxminən saat 15:00-dək davam edəcək və bu müddətdə daha bir neçə partlayış səsinin eşidilməsi ehtimalı var.”

 


Gunaz TV
R.G
 

Açar Sözlər :

SEÇİLMİŞ XƏBƏRLƏR

Çox oxunanlar