Təyyarələr İran əvəzinə Azərbaycan üzərindən uçur

SON XƏBƏRLƏR

Təyyarələr İran əvəzinə Azərbaycan üzərindən uçur

2026.07.12, 19:03

Müharibənin genişlənməsi fonunda uçuş marşrutları Azərbaycan üzərinə yönəldildi.

Gunaz.tv

Müharibə uçuş marşrutlarını dəyişdirdi, İranın hava məkanı tərk edilir, Azərbaycanın hava məkanında uçuşlar artıb.

ABŞ ilə İran arasında artan hərbi gərginlik regionda hava nəqliyyatına da ciddi təsir göstərib.

Gunaz TV-nin məlumatına görə, son günlər ABŞ və İran arasında baş verən qarşıdurma səbəbindən beynəlxalq aviaşirkətlər uçuş marşrutlarını dəyişməyə başlayıblar.

Hazırda çoxsaylı sərnişin təyyarələri təhlükəsizlik səbəbindən İranın hava məkanından istifadə etmir. Uçuşların böyük hissəsi qonşu ölkələrin, o cümlədən Azərbaycan Respublikasının hava məkanı üzərindən həyata keçirilir.

Müşahidələr göstərir ki, Azərbaycan üzərindən keçən beynəlxalq reyslərin sayı nəzərəçarpacaq dərəcədə artıb. Aviaşirkətlər sərnişinlərin təhlükəsizliyini təmin etmək məqsədilə riskli bölgələrdən yayınaraq alternativ hava marşrutlarına üstünlük verirlər.

Mütəxəssislər hesab edirlər ki, bölgədə hərbi gərginlik davam edəcəyi təqdirdə, İranın hava məkanından istifadə edən beynəlxalq reyslərin sayı daha da azalacaq və Azərbaycan da daxil olmaqla qonşu ölkələrin hava dəhlizlərindən istifadə artacaq.

Gunaz TV
R.G

GUNAZ.TV

SON XƏBƏRLƏR