Abadana yeni hücumlar; ABŞ günorta saatlarında yenidən zərbələrin endirildi

SON XƏBƏRLƏR

Abadana yeni hücumlar; ABŞ günorta saatlarında yenidən zərbələrin endirildi

2026.07.13, 19:31

ABŞ yenidən İranı hədəf aldı.

Gunaz.tv

Gunaz TV xəbər verir ki, İran rəsmiləri ölkənin cənubunda bir neçə nöqtəyə ABŞ tərəfindən yeni hücumların həyata keçirildiyini açıqlayıblar. Yerli rəsmilərin bildirdiyinə görə, bazar ertəsi günortadan sonra Abadan şəhərində üç məntəqə ABŞ hücumlarının hədəfi olub.

Xuzistan valiliyinin təhlükəsizlik və hüquq-mühafizə məsələləri üzrə müavini Vəliullah Həyati bildirib ki, hücumlar saat 13:45-də baş verib. Onun sözlərinə görə, indiyədək azı iki nəfər həlak olub, üç nəfər isə yaralanıb. O, hədəfə alınan məntəqələrin dəqiq yeri barədə əlavə məlumat verməyib.

Bundan əvvəl də bazar ertəsi günorta saatlarında İranın cənubunda ABŞ hücumları barədə xəbərlər yayılmışdı. Mehr agentliyi Bəndər-Abbas və Qeşm adası yaxınlığında bir neçə partlayış səsinin eşidildiyini bildirib və yazıb ki, partlayışlar “şəhərdən uzaq məsafədə baş verib və ehtimal olunur ki, Bəndər-Abbasın qərb sahili ilə bağlıdır.”

Mehr agentliyinin Hörmüzqan valiliyinə istinadən yaydığı məlumata görə, ABŞ-ın Bəndər-Abbas və Qeşmə günorta saatlarında endirdiyi hücumlar nəticəsində mülki şəxslər arasında xəsarət alan olmayıb, yaşayış və kommersiya infrastrukturuna da ziyan dəyməyib.

ABŞ-ın İrana yeni hücumları barədə məlumatlar ABŞ Mərkəzi Komandanlığının (CENTCOM) bazar ertəsi səhər saatlarında son günlərdə olduğu kimi bu mərhələdə əməliyyatların başa çatdığını bildirməsindən sonra yayılıb. Bununla belə, yayılan məlumatlar göstərir ki, hücumlar əvvəlcə günorta, daha sonra isə günortadan sonra yenidən davam edib.

Gunaz TV
R.G

GUNAZ.TV

SON XƏBƏRLƏR