İran hökumətinin təqdir etdiyi hakim kimdir?

SON XƏBƏRLƏR

İran hökumətinin təqdir etdiyi hakim kimdir?

2026.07.16, 15:13

O qədər də məşhur olmayan iranlı hakim Məhəmməd Rza Təvəkküli o qədər tanınmasa da, son vaxtlar etiraz aksiyalarında iştirak edənlər barədə çıxardığı sərt qərarlara görə İran mediası tərəfindən təqdir olunur.

Gunaz.tv

İran məhkəmə sisteminin "nümunəvi hakim" kimi təltif etdiyi Təvəkküli son aylar edam olunmuş onlarla siyasi məhbusun siyahısına daha 12 nəfəri əlavə edib.

İranın hökumət mediası Təvəkkülini "İslam Respublikasının nümunəvi hakimlərindən biri" adlandırıb. Bununla yanaşı onu məhkəmə sisteminin yüksək vəzifəliləri də dəfələrlə tərifləyib. Ancaq Təvəkkülinin tərcümeyi-halı barədə heç nə məlum deyil.

Onun doğum tarixi, təhsili və ailə mənşəyi kimi şəxsi məlumatlarının əksəriyyəti fəaliyyətinin təhlükəsizlik xarakteri səbəbindən gizli saxlanılıb. Lakin onun bütün məlum inzibati və məhkəmə sənədləri İsfahan əyaləti ilə bağlıdır.

Məlum olan odur ki, Təvəkküli, 2023-cü ilin dekabr ayında Məhkəmə Hakimiyyəti başçısı Qulamhüseyn Möhsüni Ejeinin fərmanı ilə İnqilab Məhkəməsinin birinci şöbəsinin müdiri və İsfahan Ümumi və İnqilab Məhkəmələri rəhbərinin müavini təyin edilib.

Qeyd edək ki, iyulun 5-də İran Ali Məhkəməsi Təvəkkülinin 12 nəfər barəsində çıxardığı ölüm hökmlərini qüvvədə saxlayıb. Onlar yanvarın 8-də İsfahanda etiraz aksiyaları zamanı xüsusi təyinatlı qüvvələrin əməkdaşlarını öldürməkdə günahlandırılırlar. Edamlar istənilən vaxt həyata keçirilə bilər. İnsan haqları təşkilatları həmin şəxslərin istənilən vaxt edam edilə biləcəkləri barədə xəbərdarlıq ediblər.

Onlar, ölüm hökmlərinin böyük hissəsinə görə məsuliyyətin İran hakimiyyəti ilə yanaşı hakim Təvəkkülinin də üzərinə düşəcəyini bildiriblər.

GünazTV

GUNAZ.TV

SON XƏBƏRLƏR