İraqda iki gəmi hədəfə alındı

SON XƏBƏRLƏR

İraqda iki gəmi hədəfə alındı

2026.07.16, 17:54

Gunaz TV-nin məlumatına görə, İraqın Bəsrə limanında iki gəminin PUA ilə vurulduğu bildirilir.

Gunaz.tv

İraqın təhlükəsizlik rəsmisi AFP agentliyinə bildirib ki, cümə axşamı bir PUA neft terminalı yaxınlığında ABŞ avtomobillərini daşıyan gəmiyə çırpılıb. Məlumata görə, həmin gəmi Birləşmiş Ərəb Əmirliklərindən İraqa gəlib.

Eyni zamanda, İraqın dörd neft və təhlükəsizlik mənbəyi Reuters agentliyinə bildirib ki, Bəsrə terminalında bir neft tankerinin PUA ilə vurulmasından sonra ölkənin bütün terminallarında xam neftin yüklənməsi müvəqqəti dayandırılıb.

Bununla belə, İraqın Neft Nazirliyinin sözçüsü cənub terminallarında neft ixracı və yüklənməsinin davam etdiyini açıqlayıb. O bildirib ki, hazırda bir neft tankerinin üzərinə naməlum “obyekt”in düşməsi ilə bağlı məlumatlar araşdırılır.

Rəsminin sözlərinə görə, hadisə nəticəsində heç bir ziyan və ya yanğın baş verməyib.

PUA-nın hansı ölkəyə və ya qrupa məxsus olduğu hələlik məlum deyil. İndiyədək İraq rəsmiləri və ya hər hansı etibarlı mənbə bu hücumun məsuliyyətini hansısa ölkə və ya qrupun üzərinə qoymayıb.

Gunaz TV
R.G

GUNAZ.TV

SON XƏBƏRLƏR