Təbrizlə Qazaxıstan arasında tarixi bağlar var- Səfir

SON XƏBƏRLƏR

Təbrizlə Qazaxıstan arasında tarixi bağlar var- Səfir

2026.07.22, 13:39

Mən həmişə Təbriz tarixini oxumuşam. Təbriz və Qazaxıstan müxtəlif tarixi dövrlərdə çox dəyərli mədəni və sivilizasiya əlaqələri qurmuşlar və bu parlaq tarix bugünkü geniş əməkdaşlıq üçün möhkəm təməl ola bilər.

Gunaz.tv

Bunu Qazaxıstanın İrandakı səfiri Ontalab Onalbayev deyib.

"Müxtəlif tarixi dövrlərdə, xüsusən də Teymurilər dövründə Təbriz ilə Qazaxıstan arasındakı münasibətlər çox diqqətəlayiqdir və öyrənilməyə dəyər. O dövrdə bu coğrafi ərazi arasında dərin siyasi, mədəni və ticari qarşılıqlı əlaqələr formalaşmışdır və həmin dövrdən qalan ortaq irs bu gün birgə mədəni və turizm proqramları və layihələrini müəyyənləşdirmək üçün uyğun bir imkan yaradır",- o əlavə edib.

Onalbayev Təbriz ilə Qazaxıstan şəhərlərindən biri arasında qardaşlıq münasibətlərinin qurulması üçün məsləhətləşmələrin gedişatına da toxunub?

"Bu məsələ Təbriz meri ilə müzakirə olunub və anlaşmanın ilkin layihəsi də hazırlanıb. Bu çərçivədə Qazaxıstanın ən vacib tarixi, mədəni və iqtisadi şəhəri olan Almatı şəhəri bu əməkdaşlıq üçün təklif olunub və ümid edirik ki, onun həyata keçirilmə mərhələləri tərəflərlə əməkdaşlıq çərçivəsində sürətləndiriləcək".

Qeyd edək ki, Təbriz və Almatı şəhərlərinin qardaş elan edilməsi barədə təklif 2016-cı ildə Təbriz Şəhər Şurası tərəfindən irəli sürülsə də, bu, bu günə kimi yerinə yetirilməyib.

GünAzTV

GUNAZ.TV

SON XƏBƏRLƏR