Contact Us

SON XƏBƏRLƏR

Hörmüz boğazının bağlanmasının ən böyük iqtisadi yükünü İran daşıyır

2026.07.24, 12:53
Hörmüz boğazının bağlanmasının ən böyük iqtisadi yükünü İran daşıyır

Yeni açıqlanan Çin gömrük məlumatlarına görə, İranın Hörmüz boğazını bağlaması Pekinin Ərəb körfəzi ölkələri ilə ticarətindən daha çox, İranın özünün Çinlə ticarətinə ciddi zərbə vurub.

Gunaz.tv

2026-cı ilin mart–iyun ayları ərzində İranın Çinlə qeyri-neft ticarətinin həcmi cəmi 830 milyon ABŞ dolları təşkil edib. Bu göstərici ötən ilin eyni dövründə 3,3 milyard dollar idi ki, bu da təxminən 75 faizlik azalma deməkdir.

Kpler gəmi izləmə şirkətinin məlumatları da İranın Çinə neft ixracının kəskin azaldığını göstərir.

Məlumata görə, Çin limanlarında İran neftinin gündəlik boşaldılma həcmi aprel ayında 1,74 milyon barel olduğu halda, iyulun ilk yarısında təxminən 550 min barelə qədər geriləyib.

Bu göstəricilər Hörmüz boğazının bağlanmasının İranın ən böyük ticarət tərəfdaşı olan Çinlə iqtisadi əlaqələrinə ciddi zərbə vurduğunu göstərir.

Çin hələ də sanksiyalara məruz qalan İran neftinin əsas alıcısı olaraq qalır və 2025-ci ildə İranın ən mühüm ticarət tərəfdaşı olub.

Böhran nəqliyyat xərclərini də kəskin artırıb. İranın Ticarətin İnkişafı Təşkilatının logistika rəhbərinin sözlərinə görə, Çindən İrana bir konteynerin daşınma dəyəri münaqişədən əvvəlki 2 500–3 500 dollar səviyyəsindən 8 000–9 000 dollara yüksəlib.

Bundan əlavə, Mərkəzi Asiya dəmir yolu marşrutları vasitəsilə yük daşınmasının da daha baha başa gəldiyi bildirilir.

 

C

Açar Sözlər :

SEÇİLMİŞ XƏBƏRLƏR

Çox oxunanlar