Qızılhisar məhbuslarının aksiyası 15-ci gününə çatdı

SON XƏBƏRLƏR

Qızılhisar məhbuslarının aksiyası 15-ci gününə çatdı

2026.07.28, 22:37

Edam hökmünə məhkum edilmiş yüzlərlə məhbusun aclıq aksiyası və oturaq etirazı artıq 15 gündür davam edir.

Gunaz.tv

Gunaz.tv-nin məlumatına görə, Kərəcin Qızılhisar həbsxanasının 2-ci bölməsində edam hökmünə məhkum edilmiş yüzlərlə məhbusun aclıq aksiyası və oturaq etirazı edam hökmlərinin icrasına etiraz olaraq artıq 15-ci gündür davam edir.

İnsan haqları sahəsində fəaliyyət göstərən xəbər agentliklərinin məlumatına əsasən, məhbuslar bazar ertəsi, 27 iyul tarixində edamların yenidən icrasına başlanmasına, məhbusların təkadamlıq kameralara köçürülməsinə və edam cəzalarının geniş şəkildə davam etdirilməsinə etiraz olaraq aksiyalarını davam etdiriblər.

Məlumatlara görə, yüzlərlə edam məhkumu artıq 15 gündür yemək payını qəbul etməkdən imtina edərək edam hökmlərinə qarşı etiraz edir.

İranın məhkəmə orqanları və Həbsxanalar Təşkilatı indiyədək bu xəbərlərə və məhbusların tələblərinə münasibət bildirməyib.

Aclıq aksiyası keçirən məhbusların sağlamlıq vəziyyətinin getdikcə ağırlaşdığı bildirilir. Edam məhkumlarının ailələri isə onların həyatı ilə bağlı ciddi narahatlıq keçirirlər.

GunAz TV
R.G

GUNAZ.TV

SON XƏBƏRLƏR