Contact Us

SON XƏBƏRLƏR

İsrail İranın terror qrupunun ölkəyə keçməsinin qarşısını alıb- “Ynet”

2026.07.29, 12:56
İsrail İranın terror qrupunun ölkəyə keçməsinin qarşısını alıb- “Ynet”

MOSSAD İranın yüksək rütbəli İsrail rəsmilərinə qarşı sui-qəsd təşkil etmək məqsədilə terror qrupunu ölkəyə keçirmək cəhdinin qarşısının alındığını açıqlayıb.

Gunaz.tv

Bu barədə “Ynet” məlumat yayıb.

Bildirilib ki, İranın Kəşfiyyat Nazirliyi, eləcə də SEPAH son illərdə İsrail və yəhudilərə qarşı yönəlmiş beynəlxalq terror şəbəkəsinin yaradılması üzərində fəaliyyət göstərib:

“Tehran son dövrdə birbaşa İsrail ərazisində hücumların həyata keçirilməsinə yönəlmiş fəaliyyətini daha da intensivləşdirib. MOSSAD, ŞABAK və müttəfiq ölkələrin təhlükəsizlik qurumlarının koordinasiyalı fəaliyyəti nəticəsində İranla əlaqəli onlarla terror əməliyyatı ifşa edilib. Həmçinin son iki il ərzində xüsusi xidmət orqanları İranın tapşırıqları ilə fəaliyyət göstərmək üçün İsrail sakinlərini ələ almağa yönəlmiş çoxsaylı cəhdin qarşısını alıb. Aşkarlanan sonuncu sxem vasitəçilərin cinayətkar şəbəkəsindən istifadə etdiyini üzə çıxarıb. İran kəşfiyyatı həmin kriminal şəbəkə vasitəsilə İsrail ərazisində yaşayan və ya ölkəyə daxil olmaq imkanı olan şəxsləri müəyyən edərək onları müxtəlif tapşırıqların icrası üçün seçməyə çalışıb. Əvvəlcə onlara gələcək hədəflərlə bağlı kəşfiyyat məlumatlarının toplanması tapşırılıb, daha sonra isə hücumların həyata keçirilməsi üçün istifadə olunmaları planlaşdırılıb. Operativ qrupun yaradılması və fəaliyyətinin koordinasiyasına “Filip” ləqəbi ilə tanınan Trot Ozkur adlı şəxs cavabdeh olub. Fransada yaşayan “Filip” müxtəlif millətlərdən olan şəxslərin sonradan İsrailə göndərilməsi üçün cəlb olunması işinə baxıb. Onu iki nəfər: “Babak” ləqəbi ilə tanınan Baba Mahu-Zadə Hacı Cafan və “Nadim” ləqəbi ilə tanınan Mehmet Nadim Yiğit işə götürüb. Hazırda hər iki şəxs İranın Kəşfiyyat Nazirliyinin himayəsi altında İranda yaşayır. “Filip” Fransa hakimiyyəti tərəfindən ölkədən deportasiya edilib. Onun hazırda harada olduğu məlum deyil. “Babak” və “Nadim” isə fəaliyyətlərini İrandan davam etdirir”.

Qeyd olunub ki, İran birbaşa iştirakını gizlətmək və siyasi nəticələrdən yayınmaq üçün kriminal vasitəçiləri cəlb edərək “proxy by proxy” (“proksi vasitəsilə proksi”) sxemindən istifadə etməyə davam edir.

GünAzTV

Açar Sözlər :

SEÇİLMİŞ XƏBƏRLƏR

Çox oxunanlar