"USS George Washington" təyyarədaşıyan gəmisi Ərəb dənizinə çatdı

SON XƏBƏRLƏR

"USS George Washington" təyyarədaşıyan gəmisi Ərəb dənizinə çatdı

2026.08.20, 17:49

Gunaz.tv

ABŞ Hərbi Dəniz Qüvvələrinin "USS George Washington" təyyarədaşıyan gəmisi çərşənbə günü ABŞ Mərkəzi Komandanlığının Ərəb dənizindəki əməliyyat zonasına daxil olub. Gəmi “Abraham Linkoln”un yerini tutacaq.

ABŞ Mərkəzi Komandanlığı bildirib ki, gəmi qrupu regionda əvvəlcədən planlaşdırılan missiya çərçivəsində fəaliyyət göstərəcək. Ərəb dənizi Oman dənizi vasitəsilə Hörmüz boğazına birləşir.

“Abraham Linkoln” təxminən 9 aydır dənizdədir və bu müddətin böyük hissəsini ABŞ-ın Yaxın Şərqdə İrana qarşı hərbi əməliyyatlarına dəstək məqsədilə keçirib.

ABŞ mediasının məlumatına görə, təxminən 5 min nəfərlik heyətin bir hissəsində mənəvi vəziyyətin pisləşməsi, həmçinin gəmidə gigiyena və qida təminatı ilə bağlı problemlər yaranıb.

Bu məlumatlara əsasən, vəziyyət İran İnqilab Keşikçiləri Korpusunun Bəhreyndə ABŞ qüvvələrinin gəmilərin təminatında mühüm rol oynayan bazasına hücumundan sonra daha da çətinləşib.

Gunaz TV
R.G

GUNAZ.TV

SON XƏBƏRLƏR