Şəhriyarın anası; şairi köklərinə qaytaran qadın

SON XƏBƏRLƏR

Şəhriyarın anası; şairi köklərinə qaytaran qadın

2026.09.18, 20:33

Gunaz.tv

Qum şəhərində sadə bir məzar daşının altında, adı Azərbaycanın böyük şairlərindən biri ilə əbədi olaraq bağlanan bir ana uyuyur; Nənə Xüşkinabi, ustad Şəhriyarın anası.

Onun məzar daşında belə yazılıb: “Mərhumə məğfurə xanım Nənə Xüşkinabinin məzarı”.

Bu məzar illərlə səssizlik və unudulmuşluq içində qalmış bir qadının uyuduğu yerdir. Bir neçə il əvvələ qədər onun haqqında Şəhriyarın bəzi şeirləri və xatirələri istisna olmaqla, demək olar ki, heç bir iz və xatırlatma yox idi.

Nənə Xüşkinabi yalnız Şəhriyarın anası deyildi; o, sonradan ana dilini Azərbaycan türkcəsində şeirin ən unudulmaz səslərindən birinə çevirən böyük şairin kimlik və yaddaş köklərinin bir parçası idi.

Ustad Şəhriyarın anasının vəfatı və dəfn olunması ilə bağlı xatirələri onun həyatının ən ağrılı səhifələrindəndir. Anasının adı Şəhriyarın poeziyasına hopdu, xatirəsi isə onun türkcə misralarında əbədiləşdi.

Şəhriyar “Heydərbabaya salam” əsərində anasını və keçmiş günləri həsrət və kədər hissi ilə xatırlayır:

“Heydərbaba, sənin göylün şad olsun,
Dünya varkən ağzın dolu dad olsun,
Səndən keçən tanış olsun, yad olsun,
Deyinə mənim şair oğlum Şəhriyar,
Bir ömürdü qəm üstünə qəm qalar...”

Nənə Xüşkinabinin Qumdakı məzarı bu gün yalnız bir qəbir deyil; Azərbaycanın böyük şairinin xatirələrini, köklərini və ana dilinə bağlılığını yaşadan bir yaddaş məkanıdır. Onun adı Şəhriyarla birlikdə Azərbaycanın mədəni yaddaşının bir parçasına çevrilib.

Gunaz TV
R.G

GUNAZ.TV

SON XƏBƏRLƏR