Bu gün Xankəndi, Xocalı, Xocavənd və Ağdərənin günüdür

SON XƏBƏRLƏR

Bu gün Xankəndi, Xocalı, Xocavənd və Ağdərənin günüdür

2026.09.20, 14:28

Bu gün Azərbaycanda Xankəndi, Xocalı, Xocavənd və Ağdərə şəhərləri günüdür.

Gunaz.tv

Bu əlamətdar gün Azərbaycanda üçüncü dəfə qeyd olunur. Prezident İlham Əliyevin 18 sentyabr 2024-cü il tarixli sərəncamına əsasən, hər il sentyabrın 20-si Xankəndi, Xocalı, Xocavənd və Ağdərə şəhərləri günü kimi qeyd edilir.

Bu günün təsis edilməsi 2023-cü il sentyabrın 19-20-də Qarabağda keçirilən hərbi əməliyyatlardan sonra Azərbaycanın həmin ərazilərdə nəzarəti bərpa etməsi ilə əlaqələndirilir. Azərbaycan prezidentinin rəsmi saytında da sentyabrın 20-si bu şəhərlərin günləri kimi göstərilir.

Prezident İlham Əliyev 2023-cü il oktyabrın 15-də Xankəndi şəhərinə səfər edib və şəhərin mərkəzi meydanında Azərbaycan bayrağını qaldırıb. Həmin gün Xankəndidə çıxışı zamanı deyib:

“Biz yorulmadan ordumuzu gücləndirmək istiqamətində çalışdıq. Elə güclü ordu yaratdıq ki, bu gün Azərbaycan Silahlı Qüvvələri istənilən vəzifəni şərəflə yerinə yetirə bilər və biz bunu döyüş meydanında sübut etdik; həm üç il əvvəl Vətən müharibəsi zamanı cəmi 44 gün ərzində düşməni kapitulyasiya sənədini imzalamağa məcbur etdik, həm də cəmi 23 saat davam edən ötən aykı antiterror əməliyyatı gücümüzü göstərdi və düşmən yenidən ağ bayraq qaldıraraq təslim oldu. Biz haqlı olaraq Silahlı Qüvvələrimizlə fəxr edirik.”

GunAz TV
R.G

GUNAZ.TV

SON XƏBƏRLƏR