Votel: Külüng dağında yeni fəaliyyətlər nüvə obyektinin hazırlanmasına işarə edə bilər

SON XƏBƏRLƏR

Votel: Külüng dağında yeni fəaliyyətlər nüvə obyektinin hazırlanmasına işarə edə bilər

2026.09.20, 19:34

Gunaz.tv

ABŞ Mərkəzi Komandanlığının keçmiş komandanı Cozef Votel İranın Nətənz şəhəri yaxınlığındakı Külüng dağı kompleksində yeni fəaliyyətlərin müşahidə edildiyini bildirib.

Votel “Fox News”a müsahibəsində dağlıq ərazidə yerləşən bu obyektlərin daha dərinlikdə inşa edilməsinin onları hava hücumlarından daha yaxşı qorumağa imkan verə biləcəyini deyib.

O bildirib ki, Külüng dağındakı yeraltı kompleksdə yeni fəaliyyətlər İranın gələcəkdə nüvə proqramı ilə bağlı fəaliyyətlərini davam etdirmək üçün obyektin hazırlanmasına işarə edə bilər.

Bu açıqlamalar “Fox News”un yaydığı yeni peyk görüntülərindən sonra səsləndirilib. Məlumata görə, görüntülərdə Külüng dağı tunellərinin girişləri ətrafında mühafizə tədbirlərinin gücləndirildiyi görünür.

Külüng dağı kompleksi Nətənzdəki nüvə obyektindən təxminən iki kilometr cənubda yerləşir. Kompleksin tikintisinə 2020-ci ildə Nətənzdə qabaqcıl sentrifuqaların montaj sahəsində baş vermiş sabotaj hadisəsindən sonra başlanıldığı bildirilir.

İran rəsmiləri isə Külüng dağında nüvə fəaliyyətinin aparılmadığını bildirirlər.

GunAz TV
R.G

GUNAZ.TV

SON XƏBƏRLƏR