İran heç vaxt dünyanı nüvə silahları ilə girov saxlaya bilməyəcək

SON XƏBƏRLƏR

İran heç vaxt dünyanı nüvə silahları ilə girov saxlaya bilməyəcək - Uolts

2026.09.21, 10:36

ABŞ prezidenti İslam Respublikasının heç vaxt dünyanı nüvə silahları ilə girov saxlaya bilməyəcəyinə və bu məqsədlə maksimum təzyiq tətbiq etməyə davam edəcəyinə qətiyyətlidir.

Gunaz.tv

Bunu ABŞ-ın BMT-dəki səfiri Mayk Uolts özünün X hesabındakı paylaşımında yazıb.

"Əgər İran danışıqlar masasına xoş niyyətlə qayıtsa, qapı açıqdır",- o əlavə edib.

Səfirin paylaşımında bazar günü Nyu-Yorkda Al-Monitor tərəfindən təşkil edilən tədbirdəki çıxışlarından hissələr yer alıb.

Tədbirdə Uolts İslam Respublikası ilə ABŞ-İsrail müharibəsini 47 illik münaqişənin davamı adlandırıb:

"Prezident hədəfinə diqqət yetirməyə qərarlıdır, yəni dünyanın indiyə qədər gördüyü ən böyük və ən fəal dövlət terrorizm sponsoru olan İran heç vaxt dünyanı, hətta Hörmüz boğazını belə, nüvə çətiri altında girov saxlaya bilməyəcək".

ABŞ səfiri əlavə edib ki, "İran rejimi 1979-cu ildən bəri ən zəif nöqtəsindədir və getdikcə zəifləyir". O, İranın milli valyutasının dəyərinin düşməsinə də toxunub:

“Onlar geri qayıdacaqlar. Ümid edirəm ki, bu, dinc və diplomatik olacaq”.

Uolts sözlərinə görə, Tramp administrasiyası bu münaqişədə vaxtın Amerikanın tərəfində olduğuna inanır.

GünAzTV

GUNAZ.TV

SON XƏBƏRLƏR