İsfahanda daha bir etirazçı dar ağacından asıldı

SON XƏBƏRLƏR

İsfahanda daha bir etirazçı dar ağacından asıldı

2026.10.05, 12:16

Bu gün səhər saatlarında İsfahan şəhərinin Dəstgerd həbsxanasında Əlirza Seoahi edam edilib.

Gunaz.tv

Bu bardə insan haqları təşkilatları məlumat yayıb.

Onun vəkili Şəhrzad Şahbazi edam hökmünün icra oldunduğunu təsdiq edib.

Yanvarın 10-da həbs edilən Əlirza Sepahi və onlarla başqa etirazçı İsfahan şəhərində aksiyalar zamanı hökumət məmurlarının öldürülməsində günahlandırılıblar.

Əlirza Sepahi barəsində irəli sürülən ittihamın əsassız olduğunu və ondan etiraf almaq üçün işgəncə edildiyini bildirmişdi.

Bu ittihama görə Sepahidən əlavə İsfahanda daha beş məhkum edam edilib.

Qeyd edək ki, İranda 2026-cı ilin əvvəlində milli valyutanın devalvasiyası, ağır sosial-iqtisadi şərait və rejim əleyhinə başlanan yanvar etirazları təhlükəsizlik qüvvələrinin sərt repressiyaları və komendant saatı ilə yatırılsa da, proseslə bağlı kütləvi həbslər və edam hökmləri hələ də davam edir.

İnsan haqları təşkilatlarının məlumatlarına görə, bu müddət ərzində 30-dan çox etirazçı edam edilib, 100-dən çox etirazı barədə isə ölüm hökmü çıxarılıb.

GünAzTV

GUNAZ.TV

SON XƏBƏRLƏR