Güney Azərbaycan Türkiyənin Təhsil Nazirliyinin “Türk Dünyası” xəritəsində

SON XƏBƏRLƏR

Güney Azərbaycan Türkiyənin Təhsil Nazirliyinin “Türk Dünyası” xəritəsində

2026.10.07, 20:35

Gunaz.tv

Türkiyənin Milli Təhsil Nazirliyi Güney Azərbaycan və İranın şimalındakı türk bölgələrini “Türk Dünyası” xəritəsində göstərib.

Türkiyə Milli Təhsil Nazirliyi yeni təhsil proqramı çərçivəsində şagirdlər üçün “Hakan və Bilgənin Türk Dünyası Səyahəti” və “Türk Dünyası Mədəniyyət Atlası: Bilgə və Hakanın Zamanı Aşan Səyahəti” adlı iki material hazırlayıb.

Bu materiallarda “Türk Dünyası”nın coğrafiyası müstəqil türk dövlətlərinin sərhədlərindən daha geniş təqdim olunur. Xəritədə İranın şimal və şimal-qərbindəki türk bölgələri, o cümlədən Güney Azərbaycan, həmçinin türkmənlərin və Xorasan türklərinin yaşadığı ərazilər də göstərilir.

Materialların əsas məqsədi şagirdləri türk xalqlarının ortaq tarixi, mədəniyyəti, dili və irsi ilə tanış etmək, Türk Dünyası haqqında ortaq şüuru gücləndirməkdir.

Türkiyənin Milli Təhsil naziri Yusuf Tekin isə əsərlərin təqdimat yazısında vurğulayıb ki, xəritələr üzərində çəkilmiş sərhədlər xalqlar arasındakı tarixi və mədəni bağları qopara bilməz.

GunAz TV
R.G

GUNAZ.TV

SON XƏBƏRLƏR