İranda hicab müdafiəçisi edam ediləcək

SON XƏBƏRLƏR

İranda hicab müdafiəçisi edam ediləcək

2026.10.08, 16:06

11 həyat yoldaşını öldürən Gülsüm Əkbərinin apelyasiya şikayəti rədd edilib və İran Ali Məhkəməsi onun edam hökmünü təsdiqləyib.

Gunaz.tv

Bu haqda Mazandaran əyalətinin məhkəməsinin yaydığı məlumatda deyilir.

Bildrilib ki, hökmün icrası üçün iş hüquqi prosedurların aparılması məqsədilə Mazandaran Ədliyyə Məhkəməsinə göndərilib.

Mazandaranlı sosial media istifadəçiləri Gülsüm Əkbərinin həbsdən əvvəl qatı hicab müdafiəçisi kimi tanındığı barədə paylaşımlar ediblər.

Onların iddiasına görə, o, hicab qaydalarını pozan qız və qadınlara qarşı xüsusi qəddar davranışı ilə ad çıxarıb, hicabsızların həbsi və cəzalandırılması üçün "əxlaq polisi" ilə əməkdaşlıq edib.

Qeyd edək ki, 20 il ərzində nikaha girdiyi və ya siğə yolu ilə birlikdə olduğu 11 kişini öldürən mazandaranlı Gülsüm Əkbəri, 10 dəfə edam cəzasına, 1 qətlə cəhd etdiyinə görə isə 10 il həbs cəzasına məhkum edilib.

Onun öldürdüyü kişilərdən birinin ailəsinin onu bağışladığı bildirilib.

Qatil qadın tora saldığı kişiləri cinsi fəallığı artıran dərmanlara qatdığı uyuşdurucu maddələrlə yuxuya verərək, onları öldürüb.

GünAzTV

GUNAZ.TV

SON XƏBƏRLƏR