Riyad hava limanının fəaliyyəti raket hücumundan sonra dayandırılıb; onlarla nəfər yaralanıb

SON XƏBƏRLƏR

Riyad hava limanının fəaliyyəti raket hücumundan sonra dayandırılıb; onlarla nəfər yaralanıb

2026.10.10, 19:35

Gunaz.tv

Səudiyyə Ərəbistanının paytaxtı Riyadda yerləşən Kral Xalid Beynəlxalq Hava Limanının fəaliyyəti oktyabrın 10-da, şənbə günü, raket hücumu və onlarla insanın yaralanması nəticəsində dayandırılıb.

Diplomatik və media mənbələrinin məlumatına görə, Yəməndəki husilər tərəfindən atılan raketlər hava limanının 3-cü terminalına düşüb. Səudiyyə rəsmiləri hücumun baş verdiyini təsdiqləsələr də, yaralıların dəqiq sayı və dəymiş ziyanın miqyası barədə hələlik məlumat verməyiblər. Husilər isə bu məlumat yayılanadək hücuma görə məsuliyyəti üzərlərinə götürməyiblər.

Hadisədən sonra Riyada gələn uçuşlar ləğv edilib və ya başqa istiqamətlərə yönləndirilib, sərnişinlərin bir qismi isə hava limanının bəzi bölmələrindən təxliyə olunub. Məlumatlarda çoxsaylı uçuşların ləğv edildiyi və beynəlxalq səfər cədvəllərində ciddi pozuntular yarandığı bildirilir.

Hücum Riyad hava limanının son günlərdə husilərin digər hücumlarına da məruz qaldığı bir vaxtda baş verib. Məlumatlara görə, əvvəlki hücumlar nəticəsində dörd nəfər həlak olub, bir neçə nəfər yaralanıb və Səudiyyə Ərəbistanına məxsus sərnişin təyyarəsinə ciddi ziyan dəyib.

Riyadda bir neçə beynəlxalq toplantının keçirilməsi ərəfəsində hücumların intensivləşməsi mülki aviasiyanın təhlükəsizliyi və Səudiyyə Ərəbistanındakı təhlükəsizlik vəziyyəti ilə bağlı narahatlıqları artırıb.

GunAz TV
R.G

GUNAZ.TV

SON XƏBƏRLƏR