Qaçqıların deportasiyası üçün ABŞ İranla gizli danışıq aparıb- Associated Press

SON XƏBƏRLƏR

Qaçqıların deportasiyası üçün ABŞ İranla gizli danışıq aparıb- Associated Press

2026.11.07, 09:39

Donald Tramp administrasiyası müharibənin ortasında İran rəsmiləri ilə iranlıların deportasiyası ilə bağlı danışıq aparıb.

Gunaz.tv

Bu haqda Associated Press ABŞ Federal Məhkəməsinin sənədlərinə istinadla məlumat yayıb.

Məlumata görə, Tehrana edilən zənglər səyahət sənədlərinin təmin edilməsi və onların deportasiyasının yollarını tapmaq məqsədi daşıyıb.

İş üzrə hakim Anna Reiss 15 oktyabrda keçirilən dinləmədə deportasiya olunanların ciddi ölüm riski ilə üzləşdikləri barədə xəbərdarlıq edib. Ədliyyə Nazirliyinin vəkili hökumətin yalnız qanuni deportasiya qərarlarını yerinə yetirəcəyini bildirib. Hakim hökumətə deportasiya planları həyata keçirilməzdən əvvəl məhkəməyə məlumat verməyi tapşırıb.

İş üzrə iddiaçılar ABŞ immiqrasiya agentliklərini iranlı sığınacaq axtaranlar haqqında İslam Respublikasına məxfi məlumat verməkdə ittiham ediblər. ABŞ Daxili Təhlükəsizlik Nazirliyi isə ittihamı rədd edib.

Yayımlanan E-maillərə görə, iki tərəf 2025-ci ilin sentyabr və dekabr aylarında və 2026-cı ilin yanvar aylarında üç uçuşla 100-dən çox iranlını geri qaytarmaq üçün əməkdaşlıq ediblər.

İnsan hüquqları fəalları xəbərdarlıq ediblər ki, qaçqınlar və siyasi müxaliflərin geri qaytarılması onları İslam Respublikasının təhlükəsizlik orqanları tərəfindən saxlanılma, dindirilmə və təqib təhlükəsi ilə üz-üzə qoyur.

GünAzTV

GUNAZ.TV

SON XƏBƏRLƏR