QAT üzvləri Türkiyənin Azərbaycandakı səfirliyi qarşısında etiraz aksiyası keçiriblər Aksiya iştirakçıları Türkiyə prezidentinin İrəvana səfərinə etirazlarını bildiriblər Bu gün saat 15.00 radələrində Qarabağ Azadlıq Təşkilatının (QAT) bir qrup üzvü Türkiyənin Azərbaycandakı səfirliyi qarşısında etiraz aksiyası keçirib. QAT-dan ANS PRESS-ə verilən məlumata görə, aksiya iştirakçıları Türkiyə prezidentinin İrəvana səfərinə etirazlarını bildirib və şüarlar səsləndiriblər. Burada, “Gül + Sərkisyan = ?”, “Gül-Ərdoğan cütlüyünə ar olsun!”, “Türkiyə bunu yapma, xəyanət etmə!”, “Gül-Ərdoğan hakimiyyəti müvəqqəti, Azərbaycan-Türkiyə qardaşlığı əbədidir!”, “Ermənilər Gülü yaxşı qarşılayacaq, sonra da yaxşıca kötəkləyib yola salacaqlar!”, “Gül-Ərdoğan cütlüyü Azərbaycanı satdı!”, “Gül erməni terrorçularına baş əydi!” və digər şüarlar səsləndirilib, plakatlar nümayiş etdirilib. Aksiya iştirakçıları Türkiyə rəhbərliyinə, ictimaiyyətinə, xalqına ünvanlanmış müraciəti səfirliyə təqdim ediblər. Müraciətdə deyilir: "Sizləri terrorçu, qaniçən, işğalçı Ermənistan rejimi ilə dostluğa getməkdən çəkinməyə çağırırıq! Ermənilər Azərbaycan və Anadolu türklərinə, ümumiyyətlə, türk və İslam dünyasına qarşı dəhşətli cinayətlər və xəyanətlər törədiblər. Onları bağışlamaq olmaz. Onlar hələ də Azərbaycanın torpaqlarını işğal altında, insanlarını əsirlikdə saxlayırlar, hələ də Türkiyə və Azərbaycana qarşı ərazi iddialarından, qondarma “soyqırım” iddialarından əl çəkməyiblər. Ona görə də onlarla hər hansı əlaqələr, münasibətlər yol verilməzdir. Türkiyənin prezidenti İrəvana səfər etməklə, Ermənistanın terrorçu prezidenti ilə dostluq qurmaqla çox böyük qəbahət etdi. Hələ də ermənilərlə dostluq etmək istəyənlərin yadına bir daha bəzi faktları salırıq". Sonra sənəddə ermənilərin azərbaycanlı qadın və uşaqlara qarşı törətdikləri vəhşiliklərə dair faktlar sadalanır. Sənəd aşağıdakı cümlələrlə bitir: "Bu müsibətlər zaman-zaman Anadolu qadınlarının və cocuqlarının da başına gətirilmişdir. Bütün bunlardan sonra erməniləri bağışlamaq olarmı? Olmaz! Biz erməniləri heç vaxt bağışlamayacağıq. Biz intiqam hissi ilə yaşayır və intiqam gününə hazırlaşırıq! Sizləri də intiqam hissini unurmamağa çağırırıq!" Aksiyanın sonunda Nəsimi polis idarəsinin 50-dən çox əməkdaşı aksiya iştirakçılarıı dağıdıb, 10 nəfərə qədər adam saxlanıb. Onlardan İlqar Əliyev, Sərvər Musayev, Oruc İsayev, Elnur Əsədov, İlkin Əsədov 21-ci polis bölməsində saxlanılıblar. /ANS PRESS/