Contact Us

SON XƏBƏRLƏR

Ehud Olmert və Mahmud Abbas görüşüblər

2021.10.20, 07:36
Ehud Olmert və Mahmud Abbas görüşüblər

Gunaz.tv
Ehud Olmert və Mahmud Abbas görüşüblər olmert_abbas.jpg İsrailin baş naziri Ehud Olmertlə Fələstin muxtariyyətinin başçısı Mahmud Abbasın görüşündə hər hansı sənəd imzalanmayıb və danışıqlarda hər hansı irəliləyişlə bağlı ciddi hərəkət müşahidə olunmayıb. İsrailin baş naziri Ehud Olmert Qüds şəhərindəki iqamətgahında Fələstin muxtariyyətinin başçısı Mahmud Abbasla görüşüb. Sülh danışıqları ilə bağlı mövcud vəziyyətin müzakirə edildiyi görüşdən sonra Ehud Olmert bildirib ki, əgər sentyabr ayında partiyası yeni lider seçsə, o danışıqları dayandırmalı olacaq. Buna görə də hakimiyyəti dövründə İsrail-Fələstin münasibətlərində tarixi dönüşə nail olmağa çalışır. İsrail hökumətinin başçısı Ehud Olmertlə Fələstin liderinin bü görüşü 2007-ci ildən Amerika Birləşmiş Ştatlarının təşəbbüsü ilə başlamış Annapolis sülh konfransı çərçivəsində baş tutan sonuncu görüş olub. Ehud Olmert 2 il əvvəl Annapolis konfransında qarşıya qoyulmuş prinsiplər əsasında danışıqların aparılmasının zəruriliyi və bu prosesin bu il tamamlanmalı olduğunu bildirərək Fələstin liderini sülh adamı adlandırıb. Ehud Olmert deyib ki, əgər sentyabr ayında partiyası yeni lider seçsə, o, danışıqları dayandırmalı olacaq. Buna görə də o, bu görüşün xüsusi əhəmiyyət daşıdığını söyləyib. Keçirilən danışıqlarda İsrailin xarici işlər naziri Tsip Livni və Fələstin muxtariyyəti tərəfdən isə Əhməd Quereya da iştirak edib. Ehud Olmertin başçılıq etdiyi hökumət idarəsindən verilən məlumata görə o, vəzifəsini tərk etməmişdən əvvəl tərəflərin ətrafında müzakirə apardıqları məsələlərlə bağlı hər hansı bir sənədin imzalanmasını istəyir və bu razılıq iki ölkə arasında aparılan danışıqlar zamanı özünü göstərəcək. Rəsmilər isə bu barədə ehtiyatla danışırlar. Lakin maraqlıdır ki, keçirilən ikitərəfli görüşdə hər hansı sənəd imzalanmayıb və danışıqlarda hər hansı irəliləyişlə bağlı ciddi hərəkət müşahidə olunmayıb. İsrail hökumətinin sözçüsü Mark Reqev keçirilən danışıqlarla əlaqədar bildirib ki, hazırkı proseslə bağlı çox işlər görülüb və bir çox ciddi işlər də həllini gözləyir. İsrailin baş naziri yaranmış fikir ayrılığını aradan qaldırmaq və İsraillə Fələstin arasında tarixi birliyə nail olmaq üçün cəhdləri davam etdirəcəyinə öhdəlik götürdüyünü bəyan edib.

SEÇİLMİŞ XƏBƏRLƏR

Çox oxunanlar