"Azərbaycana zərər verəcək hərəkətlərdən uzaq durun" Dəniz Baykal: "Ermənistan Türkiyənin ərazi bütövlüyünü tanımır, "soyqırım" iddialarından imtina etmir, Dağlıq Qarabağı işğal altında saxlamaqdan əl çəkmir" AKP-çi deputatlar Ermənistana getmək üçün növbəyə durublar Prezident Abdulla Gülün yığma komandaların oyununa tamaşa etmək üçün Ermənistana 3 saatlıq getmək planı qardaş Türkiyədə də ciddi mübahisələrə, narazılıqlara səbəb olub. Dinçi AKP hökumətinin yürütdüyü siyasətin nəinki Türkiyənin, o cümlədən, Azərbaycanın da milli maraqlarına zidd olduğunu vurğulayanların sayı artıb. Az qala bir əsrdən çoxdur ki, Türkiyəyə, Azərbaycana qarşı təxribatlar, terror əməlləri törətmiş, türkləri soyqırıma məruz qoymuş ermənilərlə əməkdaşlığın uğur qazanacağına şübhə edənlərin sayı çoxdur. Türkiyə Cümhuriyyətinə qarşı ərazi iddiaları irəli sürən, qondarma soyqırım məsələsini əlindən yerə qoymayan, Azərbaycan torpaqlarını işğal altında saxlayan Ermənistanın geri çəkiləcəyini, bəd niyyətlərini unudacağını düşünmək sadəcə olaraq sadəlövhlükdür. Göytürk Hələ dinçi AKP başa düşmək istəmir ki, Rusiyanın "forpostu" olan ölkə ilə əməkdaşlıq edən xeyir tapmır. Azərbaycanın hesabına ayaqda duran və Ermənistanın ticarət dövriyyəsinin 70 faizinin öz ərazisi ilə reallaşdıran Gürcüstan bu əməkdaşlığın "xeyrini" gördü. Gürcüstan ərazisilə ötürülən benzini doldurub havaya qalxan Gümrüdəki 102 saylı rus bazasındakı qırıcılar gürcüləri bombaladı. Rusiyanın Gürcüstana hücumundan sonra iqtisadi vəziyyəti daha da pisləşən Ermənistana güzəştə getmək, ABŞ və AB-nin təzyiqlərilə işğalçı ölkəylə sərhədləri açmaq rəsmi Ankaranın diplomatik uğursuzluğu, 17 ildir ki, yürüdülən siyasətin iflası olacaq. CHP sədri Dəniz Baykal "Milliyyət" qəzetinə verdiyi açıqlamada AKP hökumətini "Azərbaycana zərər verəcək hər hərəkətdən uzaq durmağa" çağırıb. Onun sözlərinə görə, yığma komandanın oyunu üçün Türkiyə prezidenti səviyyəsində İrəvana səfər bölgədə cciddi problemlər yarada bilər. CHP Məclisinin toplantısından öncə sualları cavablandıran Dəniz Baykal vurğulayıb ki, Ermənistan Türkiyə sərhədlərini, ərazi bütövlüyünü tanımır, "soyqırım" iddialarından imtina etmir, Dağlıq Qarabağı işğal altında saxlamaqdan əl çəkmir. CHP sədri Türkiyənin müttəfiqlərinin "Sən böyüksən, vecinə alma, irəlilə, prezident səviyyəsindən aşağı enmə, bu mövqeni aradan qaldıracaq həmlə et, İrəvana get, birlikdə matç izləyin, oturun danışın" dediklərini söyləyib. Xarici siyasətin "ağa-nökər" münasibətləriylə yeriməyəcəyini bildirən Dəniz Baykal Xəzər dənizindəki böyük neft yataqları nəzərə alındıqda da Türkiyənin maraqları baxımından Azərbaycanın önəminə diqqəti çəkib. Hökumətə "Azərbaycana zərər verəcək hər hərəkətdən uzaq durun" çağırışı göndərən millət vəkili bildirib: "Ayaqüstü birisi kürəyimizi sıballadı deyə, "yrüyün" dedi deyə, Ermənistanla belə təmaslara yönəlməyimiz ciddi problemlər yarada biləcək, bu yanaşma bölgədəki təhlükəsizliyi sarsıda bilmək imkanındadır. Bu həqiqətən də bir matça baxmaq deyil. İrəvan yerinə Bakıya getməyi üstün tutardım". Artıq məlum olub ki, rəsmi Ankara prezident Abdulla Gülün Ermənistana səfərini müzakirə etmək üçün İrəvana rəsmi heyət göndərir. Xarici işlər naziri Əli Babacan AKP hökumətinin ortaya artdığı "Qafqaz Sabitlik və Əəməkdaşlıq Platforması"nın müzakirəsi üçün Rusiya, Azərbaycan, Gürcüstan, Türkiyə və Ermənistan arasında müzakirələrə mühüm önəm verdiklərini açıqlayıb. Bunun qarşılıqlı etibarın artırılması baxımından vacxib olduğunu söyləyib: "Bu həftə xarici işlər nazirliyində görəvləndirdiyim bir heyət İrəvana gedəcək və prezident Abdulla Gülün gözlənilən İrəvan ziyarəti öncəsi həm bu ziyarətin bəzi ünsürlərini dəyərləndirəcək, həm də "Qafqaz Sabitlik və Əməkdaşlıq Platforması"nın ilk ünsürlərini Ermənistandakı həmkərlarına çatdıracaq. Önümüzdəki həftələrdə gərgin bir diplomatik gediş-gəliş görəcəksiniz. Silahlar susanda diplomatiya, dialoq zamanıdır". Gürcüstannı xarici işlər naziri Eka Tkeşelaşvili də Türkiyənin ittifaq cəhdlərinin çox önəmli olduğunu söyləyərək, bura "Çox geniş qatılım və beynəlxalq girişim lazımdır" deyib. Dünən Türkiyə baş naziri Rəcəb Tayyib Ərdoğan prezident Abdulla Gülün İrəvana səfəri badərə "Xeyirli, uğurlu olsun" söyləyib. Amma prezidentin Ermənistana getməsi hələ tam dəqiqləşməmiş AKP-çi millət vəkilləri İrəvana getməyə hazırlaşıblar. Türkiyə Futbol Federasiyası millət vəkillərinə dəvət göndərib. AKP-çi deputatlar İrəvana getmək üçün qrup rəhbərliyindən icazə istəyib. Amma parlamentdəki qrupun rəhbərliyi AKP rəhbərliyindən icazə alınmasını, məsələnin müzakirə olunmasını vacib sayıb. Qeyd edək ki, MHP və CHP-dən olan İrəvana millət vəkilləri Ermənistana getməyə çalışmırlar. Jurnalistlər CHP sədri Dəniz Baykaldan soruşublar ki, "İrəvana gedəcəksinizmi?". O isə "Bakını üstün tuturam" cavabını verib. xalqcebhesi