Vəfa Quluzadə: Türkiyə I Dünya Müharibəsindəki səhvlərini təkrarlayır

SON XƏBƏRLƏR

Vəfa Quluzadə: Türkiyə I Dünya Müharibəsindəki səhvlərini təkrarlayır

2021.10.20, 07:36

Gunaz.tv

Türkiyə I Dünya Müharibəsindəki səhvlərini təkrarlayır

Vəfa Quluzadə: «Ankaranın hazırda Cənubi Qafqazda yürütdüyü siyasət nə Türkiyənin, nə də onun regiondakı müttəfiqlərinin maraqlarına cavab verir» Son zamanlar Irəvan-Ankara münasibətlərində yaşanan müəyyən yaxınlaşma bir sıra suallar doğurmamış deyil. Ermənistan prezidentinin Abdulla Gülü Irəvana dəvət etməsi, onun öz növbəsində dövlət başçısı seçilməsi münasibətiylə Serj Sarkisyanı təbrik etməsi, daha sonra iki ölkə arasında XIN səviyyəsində müəyyən danışıqlara başlanması kimi məqamlara bu günlərdə biri də əlavə olundu. Bu Türkiyənin baş naziri Rəcəb Tayyib Ərdoğanın “Qafqaz evi”nin yaradılmasıyla bağlı ideyasıdır. Ideyanın mahiyyəti isə Azərbaycan, Ermənistan, Gürcüstan və Rusiyanın birləşdiyi vahid bir qurumun yaradılmasından ibarətdir. Son məlumatlara görə, Türkiyə prezidenti Abdulla Gülün Ermənistana səfəri artıq qətiləşib. Və bu istiqamətdə artıq konkret hazırlıq işləri aparılır. Rəsmi Ankaranın Cənubi Qafqaz regionu ilə bağlı son addımlarına münasibət bildirən politoloq Vəfa Quluzadənin fikrincə, Türkiyənin bu siyasəti yanlışdır və bir vaxtlar Birinci Dünya Müharibəsində edilən səhvin təkrarı kimi dəyərləndirilməlidir: “Hazırda Türkiyə Birinci Dünya Müharibəsində buraxdığı səhvləri təkrarlamağa başlayıb. O zaman da Türkiyə Antantanın əleyhinə Almaniya ilə ittifaqa girişmişdi. Indi də regionda apardığı siyasət düzgün deyil”. Bu savaşdan sonra Türkiyənin ciddi sarsıldığını xatırladan V.Quluzadə vurğuladı ki, bu cür nəticə Türkiyənin düzgün seçim etməməsi üzündən baş vermişdi. Belə ki, o zaman Antanta da Türkiyəni öz sıralarında görmək istəyirdi: “Hazırda Türkiyə Cənubi Qafqaz regionunda yanlış siyasət yürüdərək demək olar ki, Birinci Dünya Müharibəsində buraxdığı səhvləri təkrarlayır. Çünki Türkiyənin hazırkı siyasət vektoru heç də onun özünün və müttəfiqlərinin maraqlarına cavab vermir. Hazırda Türkiyənin təklif etdiyi iddialara fikir verin. Vahid ”Qafqaz evinin" yaradılması fikri, Ermənistanla daha sıx əlaqələrə can atmaq istəyi, Ermənistana Şimali Kiprin müstəqilliyinin tanıtdırılması cəhdi. Əgər Türkiyə NATO-da müttəfiqlərinə xəyanət edərək regionda Rusiyanın maraqlarına xidmət edən siyasət yürütsə, bu, Ankaraya yaxşı heç nə vəd etmir". Xəyal azadliq

GUNAZ.TV

SON XƏBƏRLƏR