Türklərin İranda təhqir olunmasının səbəblərini araşdıran kitab nəşr olunub

SON XƏBƏRLƏR

Türklərin İranda təhqir olunmasının səbəblərini araşdıran kitab nəşr olunub

2021.10.20, 07:36

Gunaz.tv

GünAz TV: Fars dilində “fars və türk qövmlərinin klassik epik əsərlərinin sosioloji tədqiqi” adlı kitab nəşr olunub.

Kitabda fars millətinə mənsub bir çox insanın türklərə qarşı düşmənçilik mövqedə olması, həmçinin türklərin sistemli şəkildə onlar tərəfindən təhqir edilməsinin səbəblərindən bəhs olunur.

“Nistan” nəşriyyatı tərəfindən çap olunan kitab fars və türk millətlərinin klassik epik əsərləri, yəni Dədə Qurqud və Firdovsinin Şahnamə əsərlərinə istinadən qələmə alınıb.

Əsərin müəllifi Abbas Məleki, kitabı hansı səbəbdən yazdığını Facebook səhifəsində açıqlayıb.

“Bildiyiniz kimi, 2016-cı ilin yaz fəslində Mana Nistani “İran” dövlət qəzetində dərc etdiyi karikaturda türkləri böcəyə bənzədərək farsların nəcisindən qidalandıqlarını təsvir etmişdir. Bundan sonra universitetlərdə etirazlar başladı, etiraz aksiyası bütün Azərbaycan şəhərləri, hətta Tehran və Kərəci də bürüdü. Etirazlar zamanı təkcə Ərdəbildə təxminən 40 bankın binası yandırıldı, Azərbaycanın müxtəlif şəhərləri, o cümlədən Sulduz və Meşginşəhrdə 35 gənc hökumətin snayperlərinin açdığı atəş nəticəsində öldürüldü. Həmin ilin yay fəslində mən bir elmi araşdırmaya başladım. Mən, farsların amansız şəkildə bizə qarşı olan zidd hərəkətlərinin səbəbini anlamağa çalışdım. İstədim ki, farslar tərəfindən təhqir olunmağımıza duğusallıqdan uzaq və akademik bir üsulla elmi cavab tapım. Bundan sonra elmi araşdırmalara başladım və öz ixtisasım üzrə ədəbiyyat sosiologiyası çərçivəsində bir çox mənbə əsərlərə müraciət etdim. Nəticədə iki qövmün Dədə Qurqud və Şahnamə əsərlərində əksini tapan ədəbi-epik mətnlərinə istinadən “fars və türk qövmlərinin klassik epik əsərlərinin sosioloji tədqiqi” kitabı ortalığa çıxdı”- deyə müəllif səhifəsində qeyd edib.

N.S

GUNAZ.TV

SON XƏBƏRLƏR