Contact Us

SON XƏBƏRLƏR

Ettelaat İdarəsnin etirazı nəticəsində Meysəm Colaninin dosyesi Apelyasiya Məhkəməsinə göndərilib

2021.10.20, 07:36
Ettelaat İdarəsnin etirazı nəticəsində Meysəm Colaninin dosyesi Apelyasiya Məhkəməsinə göndərilib

Gunaz.tv

GünAz TV: Azərbaycanlı milli-mədəni fəal Meysəm Colaninin dosyesi Şərqi Azərbaycan Əyaləti Apelyasiya Məhkəməsinin 3-cü Şöbəsinə göndərilib.


Ərdəbilli fəal 2017-ci il avqustun 8-də Əhər Məhkəməsində mühakimə edilib. Həmin məhkəmə fəala qarşı irəli sürülən ittihamları rədd edərək barəsində bəraət hökmü çıxarmışdır.


Fəal sistemin əleyhinə təbliğ və milli təhlükəsizliyi pozmaq məqsədi ilə müxalif qruplarda iştirak etməkdə ittiham olunmuşdur.


Son məlumata görə, məhkəmə orqanları M.Colaniyə onun 9209984133901392 sayılı dosyesinin Şərqi Azərbaycan Apelyasiya Məhkəməsinin 3-cü Şöbəsinə göndərildiyini elan ediblər.


Ehtimal olunur ki, Təbrizin Ettelaat Şöbəsi fəal haqda çıxarılan bəraət hökmünə etiraz edib, bu cəhətdən dosye Əhər məhkəməsi tərəfindən Apelyasiya Məhkəməsinə göndərib.


M.Colani 2014-cü il fevralın 20-də Beynəlxalq Ana Dili Günü münasibəti ilə keçirilən mərasimdə tutulan çox sayda fəalın arasında olub. Təhlükəsizlik qüvvələri fəalları yaxalamaq üçün məhkəmə hökmü təqdim etmədən silah və gözyaşardıcı qazla mərasimin keçirildiyi evə daxil olublar. M.Colani bir müddət saxlandıqdan sonra vəsiqə qarşılığında müvəqqəti olaraq sərbəst buraxılmışdır.


Adını çəkdiyimiz fəal bundan öncə də Azərbaycan türk millətinin milli və demokratik hüquqları uğrunda apardığı mədəni mübarizəyə görə dəfələrlə təhlükəsizlik qüvvələri tərəfindən saxlanılıb və müxtəlif təzyiqlərə məruz qalıb.


N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar