“Perspolis” tərəfdarları türkləri növbəti dəfə təhqir etdi: İrqçilər “heyvan” sözü...

SON XƏBƏRLƏR

“Perspolis” tərəfdarları türkləri növbəti dəfə təhqir etdi: İrqçilər “heyvan” sözü...

2021.10.20, 07:36

Gunaz.tv

GünAz TV: Fevralin 2-də Tehranın Azadi stadionunda bu şəhərin “Perspolis” və İsfahanın “Sepahan” komandaları qarşılaşıb. Oyun zamanı “Perspolis”in təxminən 50 min tərəfdarı növbəti dəfə kobud təhqirə yol verərək türkləri “heyvan” adlandırıblar.

Keçmişdəki oyunlarda olduğu kimi yenə də irqçilər öncədən planlaşdırılmış şəkildə belə bir hərəkətə yol verib. Onlar komanda tərəfdarlarını idarə edən “lider” adlanan şəxslər tərəfindən yönəldilir. İran Futbol Fedrasiyası İnzibati Komitəsinin irqçiləri cəzalandırmaması isə onlara xüsusi cəsarət verir. İrqçilər hər bir fürsətdə türklərə qarşı nifrətlərini bu şəkildə dilə gətirir.

https://www.youtube.com/watch?time_continue=28&v=5zXMc7QWGaI

Xəbər verdiyimiz kimi, 2017-cı il dekabrın 29-da Tehranın Azadi stadionunda bu şəhərin “Perspolis” komandası ilə Təbrizin “Traxtur” takımı arasında görüş keçirilmişdir. Super liqa yarışlarının 17-ci həftəsində keçirilən görüşdə “Perspolis”in 60 min fars tərəfdarı öncədən planlaşdırılmış bir şəkildə 90 dəqiqə Azərbaycan türk millətinin ünvanına təhqiramiz şüar və söyüşlər səsləndirmişdir.

Məsələ ilə bağlı Azərbaycan klubu İran Futbol Federasiyasının İnzibati Komitəsinə şikayət etdi. Budan sonra İnzibati Komitə baş verən hadisələrlə bağlı şok qərar çıxardı.

Tehran komandasının tərəfdarları öncədən planlaşdırılmış bir şəkildə Azərbaycan türk millətinin ünvanına ağır söyüşlər səsləndirdiyi halda, “Perspolis” yalnız bir oyun tamaşaçısız oynamağa və 150 milyon rial cərimə ödəməyə məhkum edildi. Qərara əsasən, açıq-aşkar təhqirə məruz qalan “Traxtur” klubu da 150 milyon rial cərimə ödəməyə məhkum edildi.

İnzibati Komitənin qərarı açıqlandıqdan sonra “Traxtur” klubu dərhal qərara etiraz etdi. Klubun etirazına məhəl qoyulmadığından klub məsulları ötən günlərdə yenidən inzibati komitəyə etiraz bildirdilər. Etirazda, çıxarılan qərarın FİFA qanununlarına uyğun gəlmədiyi vurğulanıb, məsələyə yenidən baxılması və ədalətli qərarın çıxarılması tələb olunub.

Baş verən hadisə ilə bağlı qalmaqallar davam etdiyi halda “Perspolis” tərəfdarları yenidən Azərbaycan türklərini təhqir ediblər. İnzibati Komitənin “Perspolis” tərəfdarlarının irqçi hərəkətlərinə qarşı hansı tədbirlər alacağına isə qarşıdakı günlərdə şahid olacayıq.

2017-ci il dekabrın 29-da Tehranın Azadi stadionunda “Traxtur”la “Perspolis” arasında keçirilən görüş zamanı baş verən hadisələrlə bağlı aşağıdakı xəbəri oxuya bilərsiniz:

“Perspolis”in irqçi tərəfdarları “Traxtur”la görüşdə təhqiramiz şüarlar səsləndirib / “Traxtur” klubu: Bütün bunlar əvvəldən planlaşdırılıb – VİDEO

N.S

GUNAZ.TV

SON XƏBƏRLƏR