İran Futbol Federasiyasının fars irqçilərinin yanında olduğu bir daha sübut oldu

SON XƏBƏRLƏR

İran Futbol Federasiyasının fars irqçilərinin yanında olduğu bir daha sübut oldu

2021.10.20, 07:36

Gunaz.tv

GünAz TV: İran Futbol Federasiyasının İnzibati Komitəsi türklərin təhqir olunduğu görüşlə bağlı qərar çıxarıb, qərarda Tehran komandaları “İstiqlal” və “Perspolis”, həmçinin onların tərəfdarları üçün heç bir cəza nəzərdə tutulmayıb.

Xəbər verdiyimiz kimi, martın 1-də “İqtislal” və “Perspolis” komandaları Tehranın Azadi stadionunda qarşılaşıb, görüş zamanı türklərin ünvanına dəfələrlə təhqiramiz söyüşlər və “ölüm olsun türkə” şüarı səsləndirilib.

Artıq Futbol Federasiyasının İnzibati Komitəsi super liqa yarışlarının 25-ci həftəsində keçirilən görüşlə bağlı qərar çıxarıb, qərar federasiyanın rəsmi saytında yayılıb.

İnzibati komitənin qərarında türk millətinin paytaxt komandalarının tərəfdarları tərəfindən planlı şəkildə təhqir edilməsinə heç bir işarə olunmayıb, irqçilərə bununla bağlı hətta xəbərdarlıq belə edilməyib. Sadəcə bildirilib ki, “İstiqlal” və “Perspolis” tərəfdarları meydançaya daş və partlayıcı maddələr atdığına görə hər iki komanda 100 milyon rial cərimə ödəməlidir.

Bu, Futbol Federasiyasının Azərbaycan türk millətinə qarşı açıq-aşkar düşmənçiliyini göstərməklə yanaşı fars irqçilərini türkləri yenidən təhqir etməyə təşviq edir. Federasiyanın qanunlarına əsasən, komanda tərəfdarları irqçi zəmində təhqiramiz şüarlar səsləndirdiklərinə görə ən azı iki il stadiona buraxılmamalı, komandaların hesabından isə bir neçə xal çıxılmalıdır. Bundan əlavə Futbol Federasiyası səsləndirilən şüarları tərcümə edib onları FİFA-ya göndərməlidir. Lakin çıxarın qərarda heç bir qanuna əməl edilməyib.

İnzibati komitənin qərarından belə məlum olur ki, Futbol Federasiyası türklərin heyvan adlandırılması və “ölüm olsun türkə” şüarını irqçilik zəminində səsləndirilən şüar kimi qəbul etmir.

Qeyd edək ki, bundan öncə olduğu kimi, martın 1-də Tehranda keçirilən görüşdə türklərin ünvanına təhqiramiz şüarlar səsləndirilib. Şüarların planlı şəkildə səsləndirildiyinə dair çoxlu faktlar var.

N.S

GUNAZ.TV

SON XƏBƏRLƏR