Contact Us

SON XƏBƏRLƏR

Təbrizin hava limanında yerə enən sərnişin təyyarəsi faciədən son anda qurtarıb

2021.10.20, 07:36
Təbrizin hava limanında yerə enən sərnişin təyyarəsi faciədən son anda qurtarıb

Gunaz.tv

GünAzTV: İranın Şərqi Azərbaycan əyalətinin Təbriz şəhərində, “Şəhid Mədəni” adlı hava limanında yerə enən “ATA” aviasiya şirkətinə məxsus sərnişin təyyarəsi faciədən son anda qurtarıb.

 

Bu barədə, Şərqi Azərbaycan əyalətinin hava limanlarının baş direktoru Mustafa Səfayi jurnalistlərə açıqlamasında məlumat verib.

 

O bildirib ki, martın 29-da İranın Kiş adasından Təbrizə uçan təyyarədə texniki nasazlıq yaranıb: “Kiş-Təbriz reysi ilə uçan sərnişin təyyarəsi havaya qalxandan sonra onun sağ təkərinin partladığı bəlli olub. Təyyarə, axşam saat 19:30-da Təbrizin hava limanında yerə enməli idi. Lakin pilot təkərlərdən birinin partladığını görüncə, enişi 20 dəqiqə təxirə salıb ki, təyyarənin yanacağı qurtarsın. Beləliklə də təyyarənin yanacağı qurtarandan sonra pilot tam məharət və ustalıqla onu yerə endirə bilib. Nəticədə, təyyarə eniş zolağından çıxaraq hərəkətdən dayanıb.

 

Hadisədə sərnişinlərdən xəsarət alan olmayıb. Hazırda isə təyyarədə yaranmış texniki nasazlığın səbəbi araşdırılır və onun təkərləri dəyişiləndən sonra təyyarə parkingə köçürüləcək”.

 

Şərqi Azərbaycan əyalətinin hava limanlarının baş direktoru Mustafa Səfayi

 

A.M

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar