Əli Əkbər Salehi: “Bu gündən ölkə rəhbərinin tapşırığının icrasına, yeni sentrifuqaların istehsalına başlayacağıq”

SON XƏBƏRLƏR

Əli Əkbər Salehi: “Bu gündən ölkə rəhbərinin tapşırığının icrasına, yeni sentrifuqaların istehsalına başlayacağıq”

2021.10.20, 07:36

Gunaz.tv

GünAzTV: İranın Atom Enerjisi Təşkilatının rəisi Əli Əkbər Salehi iyunun 5-də jurnalistlərə açıqlamasında uranın zənginləşdirilməsinə başlanması ilə bağlı ölkə liderinin verdiyi tapşırığının icrasından danışıb.

Salehi bildirib ki, Nətənzin uranı zənginləşdirən təsisatında 190 min SWU-nun (uranın izotoplarını ayıran bölmə) icadı üçün lazım olan infrastruktur yaradılaraq işlək vəziyyətə gətirilib: “Bu gündən, ölkə liderinin tapşırığının icrasına, Nətənz nüvə təsisatında yeni sentrifuqların istehsalına başlayacağıq. Hesab edirik ki, ölkəmizə qarşı tətbiq edilən sanksiyalar ola-ola nüvə sazişinin (“Bərcam”ın) icrası mümkün deyil. Bu bizim üçün bir əsldir. Biz, nüvə sazişinin icrası ilə bağlı üzərimizə götürdüyümüz öhdəliklərə əməl edirik. Lakin nöqsanlı bir razılaşmanı qəbul edə bilmərik. Bu bizim ciddi mövqeyimizdir.

Nüvə sazişi tamamilə ləğv edilərsə, çox şeylər dəyişəcək. Ümid edirik ki, belə olmasın. Biz özümüzü bütün ssenarilər üçün hazırlamışıq. Dünən də Beynəlxalq Atom Enerjisi Təşkilatına məktub yazaraq hər şeyi açıqlamış, atacağımız addımları şərh etmişik. Ölkə liderinin də vurğuladığı kimi, biz nüvə sazişində qaldığımız halda ölkəyə qarşı sanksiyalar tətbiq olunmasına dözə bilmərik. Hesab edirik ki, qarşı tərəf, millətimizin iradəsini sınamamalıdır. Çünki sınanmışı yenidən sınamaq xatalı işdir”.

Iyunun 4-də islam respublikasının qurucusu axund Ruhullah Xomeyninin ölümünün 29-cu ildönümü münasibətilə tərəfdarları qarşısında çıxış edən İranın dini lideri Əli Xamneyi, ölkənin Atom Enerjisi Təşkilatına, uranın yüksək səviyyədə zənginləşdirilməsinə və bunun üçün Nətənz təsisatında 190 min SWU-nun icad olunması üçün fəaliyyətə başlaması xüsusunda tapşırıq verib: “Avropalı ölkələrin bizdən istədiyi odur ki, həm ölkəmizə qarşı tətbiq edilmiş sanksiyalar qüvvədə qalsın, həm də bizə qoyduqları nüvə qadağaları. Lakin onların bu dolaşıqlı yuxusu çin olmayacaq. Çünki, İran milləti və hökumət, onun nüvə fəaliyyəti məhdudlaşdırıldığı bir vaxtda həm də sanksiyalara məruz qoyulmasına dözməyəcək”.

A.M

GUNAZ.TV

SON XƏBƏRLƏR