Contact Us

SON XƏBƏRLƏR

Güney Azərbaycan şəhərlərində çox sayda milli-mədəni fəal saxlanılıb

2021.10.20, 07:36
Güney Azərbaycan şəhərlərində çox sayda milli-mədəni fəal saxlanılıb

Gunaz.tv

GünAz TV: Güney Azərbaycanın müxtəlif məntəqələrində ənənəvi Babək qalası yürüşünə hazırlaşan bir çox fəal təhlükəsizlik qüvvələri tərəfindən saxlanılıb.

 

Ərdəbil şəhərində Cəfər Rüstəmi öz iş yerində təhlükəsizlik qüvvələri tərəfindən saxlanılaraq naməlum istiqamətə aparılıb.

 

Azərbaycanlı milli-mədəni fəal Mehdi Huşmənd də tutulub, onun harada saxlandığı məlum deyil.

 

Müctaba Əbdüli Bostanabadın Ettelaat əməkdaşları tərəfindən saxlanılaraq naməlum istiqamətə aparılıb.

 

Ərdəbildə təhlükəsizlik qüvvələri Murtaza Pərvinin evinə hücum çəkərək orada səs-küy salıblar. Bundan sonra  yaxındakı insanlar evin ətrafına toplaşıb. M.Pərvin saxlanılmayıb.

 

Ərdəbildə tanınmış fəal Rəhim Qulami də saxlanılaraq naməlum istiqamətə aparılıb.

 

Əhərdə Murtaza Məhəmmədi öz iş yerində Ettelaat əməkdaşları tərəfindən saxlanılıb.

 

Xanım Ulduz Qasimi Ettelaat İdarəsi tərəfindən təhdid edilib ki, iyulun 11-dək Urmiyə şəhərindən kənara çıxmamalıdır, əks halda uzun müddətli həbs cəzası ilə üzləşəcək.

 

Adlarını çəkdiyimiz fəallardan başqa Abbas Lisani, Əli Vasiqi, Səid Sadiqifər və Əsgər Əkbərzadə Ərdəbildə, İbrahim Nuri Tehranda və Rəhim Sasani Təbrizdə Ettelaat əməkdaşları tərəfindən saxlanılıb.

 

Bundan əvvəl elan olunduğu kimi, iyulun 5-i və 6-da Babək qalasında ənənəvi yürüş keçiriləcək. Azərbaycan şəhərlərində tutuqlamalar məhz kütləvi yürüş günü ərəfəsində baş verib, məqsəd yürüşün keçirilməsinə imkan verməməkdir. Bütün bunlara baxmayaraq azərbaycanlı fəallar nəzərdə tutulan yürüşün keçiriləcəyinə təkid edirlər.

 

N.S

Açar Sözlər :

SEÇİLMİŞ XƏBƏRLƏR

Çox oxunanlar