Contact Us

SON XƏBƏRLƏR

Ustad Həsən Dəmirçinin xəstəxanada vəfatından öncə yazdığı son şeir – VİDEO

2021.10.20, 07:36
Ustad Həsən Dəmirçinin xəstəxanada vəfatından öncə yazdığı son şeir – VİDEO

Gunaz.tv

GünAz TV: Mərhum ustad Həsən Dəmirçinin yaxınları onun xəstəxanada vəfatından öncə yazdığı son şeirini yayıblar.

 

Onun ölüm yatağında yazdığı şeir Azərbaycanın “Heyran gədiyi”nə həsr olunub. Şeirdə bu ərazinin Gilan Əyalətinə ilhaq edilməsi ilə bağlı cəhdlərə etiraz edilib və vaxtı ilə Şərqi Azərbaycan və Ərdəbil şəhərinə bağlı olan, sonralar isə Gilan Əyalətinə birləşdirilən Astaranın adı çəkilib.

 

Tanınmış azərbaycanlı milli-mədəni fəal, musiqi ustadı Həsən Dəmirçi iyunun 24-ü sübh saatlarında Təbrizdə müalicə aldığı “Ali nəsəb” xəstəxanasında vəfat edib, o bir gün sonra Təbrizin “Vadi Rəhmət” qəbiristanlığında dəfn edilib. Mərhumun dəfn mərasimi böyük izdihamla müşayiət olunub.

 

Həsən Dəmirçi 1941-ci ildə Təbrizdə dünyaya göz açıb. O şair, yazıçı və musiqi ustadı kimi bütün ömrünü vətəni Azərbaycan, onun musiqisi və ictimai-siyasi məsələlərinə həsr etmişdir. Azərbaycan türk milləti bu xidmətlərinə görə ona “Həsən Azərbaycan” ləqəbi verib.

 

H.Dəmirçi Güney Azərbaycanın klassik və muğan musiqisi üzrə ən tanınmış incəsənət xadimlərindən biri olub.

 

Azərbaycanlı fəal, mərhum Prof. Zehtabi ilə birlikdə 1986-cı ildə Təbrizdə “Azərbaycan Mədəniyət Ocağı” Dərnəyinin qurucularından biri olub. O həmin zaman dərnəyin musiqi bölümü üzrə məsul seçilib.

 

“Azərbaycan Mədəniyət Ocağı” Dərnəyi musiqi sahəsində böyük uğurlara imza atıb. Bu dərnəyin sayəsində Əli Səlimi kimi böyük ustadlar musiqi sahəsində addımlamağa imkan tapıblar.

 

Dərnəyin kurslarında tar, kamança, qarmon, qara zurna, qaval və s. kimi Azərbaycan musiqi alətləri öyrədilir. Dərnəkdə həmçinin türk dilində avaz oxumaq və Azərbaycan rəqsi kusrları təşkil olunur.

 

H.Dəmirçi muğam musiqisi haqda bir neçə cild kitabın müəllifidir.

 

“Həsən Azərbaycan” adı ilə tanınan mərhum Həsən Dərmirçi Azərbaycan türk millətinin demokratik və milli hüquqları uğrunda apardığı mədəni mübarizəyə görə dəfələrlə təhlükəsizlik qüvvələri tərəfindən saxlanılıb, həbs edilib və müxtəlif təzyiqlərə məruz qalmışdır.

 

Mərhumun son şeiri:

https://www.youtube.com/watch?time_continue=14&v=WlH_KBY6XuI

 

 

N.S

Açar Sözlər :

SEÇİLMİŞ XƏBƏRLƏR

Çox oxunanlar