“Təbriz Maşınqayırma Zavodu”nun sahibi saxlanılıb, istehsal müəssisəsinin bank hesabı dondurulub

SON XƏBƏRLƏR

“Təbriz Maşınqayırma Zavodu”nun sahibi saxlanılıb, istehsal müəssisəsinin bank hesabı dondurulub

2021.10.20, 07:36

Gunaz.tv

GünAz TV: Şərqi Azərbaycan İctimai Rifah, Əmək və Kooperasiya İdarəsinin rəisi “Təbriz Maşınqayırma Zavodu”nun sahibinin saxlanılması və zavodun bank hesabının dondurulması ilə bağlı xəbəri təsdiqləyib.

Əhər Hüseyni bu barədə “İlna” xəbər agentliyinə danışıb.

“Zavodun əsas səhmdarı olan Fərrüxzad saxlanılıb. Bu barədə Əmək İdarəsini maraqlandıran əsas məsələ Fərrüxzadın saxlandığı zaman zavodun fəhlələrə borcudur”- deyə o bildirib.

Ə.Hüseyni qeyd edib ki, Özəlləşdirmə Təşkilatı, zavod özəl sektora ötürülən zaman Əmək İdarəsi ilə heç bir əlaqə saxlamayıb. Fərrüxzadın mülkiyyəti sadəcə maşınqayırma zavodundan ibarət deyil deyil, o təxminən 6 ay əvvəl Şəbistərin Haşimi Sənaye Şəhərciyində yerləşən armatur zavodunu da alıb. Hazırda bu zavodda istehsal olunan mallar “Təbriz Maşınqayırma Zavodu”nda abnarda saxlanılır.

Onun sözlərinə görə, Fərrüxzad maşınqayırma zavodunu 600 milyard tümənə alıb, bu, zavodun əsas səhminin real dəyərinin yarısından belə azdır.

“Bu günədək “Təbriz Maşınqayırma Zavodu”nda fəhlələrin sığorta haqları və maaşları gecikməyib. Lakin Fərrüxzad yaxalandıqdan sonra zavodun bank hesabı dondurulub. Ona görə də Əmək İdarəsi fəhlələrin sığorta və Əmək haqlarını ödəmək üçün məsələyə müdaxilə edir”- deyə Ə.Hüseyni əlavə edib.

Şərqi Azərbaycan İctimai Rifah, Əmək və Kooperasiya İdarəsinin rəisi, hazırda sənaye müəssisəsinin zavodun Rəyasət Heyətinin üzvü olan Şəkuri tərəfindən idarə olunduğunu diqqətə çatdırıb.

“Təbriz Maşınqayırma Zavodu” Azərbaycanın çox önəmli sənaye müəssisələrindən biridir. Bu müəssisə zavodda çalışan fəhlələr, yerli əhali və azərbaycanlı millət vəkillərinin etirazına baxmayaraq ötən il özəlləşdirmə bəhanəsi ilə hökumətə yaxın şəxslərə satılıb.

Ötən illərdə Şərqi Azərbaycanda 25-dən çox sənaye müəssisəsi dövlət tərəfindən özəl şirkət və ya fiziki şəxslərə ötürüb, Hazırda onların böyük əksəriyyəti ciddi maliyyə sıxıntısı ilə üz-üzə qaldığı üçün işçilərin maaşı vaxtı-vaxtında ödənilmir və çox sayda işçi ixtisar edilir.

Azərbaycanın sənaye müəssisələrindən sonuncu dəfə Muğan Aqrosənaye və Heyvandarlıq Şirkəti real dəyərindən 1000 milyard tümən ucuz qiymətə hökumətə yaxın şirkətə satılıb.

N.S

GUNAZ.TV

SON XƏBƏRLƏR