Contact Us

SON XƏBƏRLƏR

Divarlara Abbas Lisaninin azadlığını tələb edən şüarlar yazılıb – Muğanda / GÖRÜNTÜ

2021.10.20, 07:36
Divarlara Abbas Lisaninin azadlığını tələb edən şüarlar yazılıb – Muğanda / GÖRÜNTÜ

Gunaz.tv

GünAz TV: Güney Azərbaycan şəhərlərində ötən günlərdə qanunsuz saxlanılan tanınmış azərbaycanlı milli-mədəni fəal Abbas Lisaninin azadlığını tələb edənlərin sayı getdikcə artır.

 

Son məlumata görə, yanvarın 23-ü gecə saatlarında Muğan şəhərində divarlara tanınmış fəala dəstək verən şüarlar yazılıb.

 

Azərbaycanlı fəallar “Mən də Abbas Lisaniyəm”, “Abbas Lisani azad olunsun” və s. kimi şüarlar yazaraq fəalın qanunsuz saxlanmasına etiraz bildiriblər.

 

Ötən günlərdə Ərdəbil şəhərində də divarlara “Biz hamımız Abbas Lisaniyik”, “Abbas Lisani azad olunsun”, “Abbas Lisani Azərbaycan millətinin səsidir”, “Azərbaycan millətinin hüquqlarını müdafiə edəni azad edin” və s. kimi şüarlar yazılmışdır.

 

Tanınmış azərbaycanlı fəal yanvarın 15-də məhkəmə iclası keçirildikdən sonra Təbriz Prokurorluğunda təhlükəsizlik qüvvələri tərəfindən saxlanılıb. O yanvarın 20-də Təbrizdən Ərdəbilin Ettelaat İdarəsinə intiqal edilib.

 

Abbas Lisaniyə saxlandığı gündən yaxınları ilə görüşmək, hətta telefon əlaqəsi saxlamaq icazəsi verilməyib. Bu məsələ Lisani ailəsinin ciddi nigaranlığına səbəb olub.

 

Yaxınlarının dediyinə görə, fəal yanvarın 22-i axşam saatlarından aclıq aksiyasına başlayıb.

 

Abbas Lisani bundan əvvəl Ettelaat İdarəsinin təcridxanasına aparıldığı andan aclıq aksiyasına başlayacağını bildirmişdir.

 

Çayparalı fəal Abbas Lisaninin azadlığa buraxılmasını tələb edir

 

Ərdəbildə tanınmış fəalın azadlığı tələbi ilə yazılan divarlar
 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar