Contact Us

SON XƏBƏRLƏR

Dünya Bankı: “İran 2019-cu ildə Nikaraquadan sonra ən çox tənəzzül edən iqtisadiyyata sahib olacaq”

2021.10.20, 07:36
Dünya Bankı: “İran 2019-cu ildə Nikaraquadan sonra ən çox tənəzzül edən iqtisadiyyata sahib olacaq”

Gunaz.tv

GünAz TV: Dünya Bankı dünya ölkələrinin iqtisadi inkişaf perspektivləri ilə bağlı yayımladığı yeni proqnozda İranla bağlı göstəricilərə də yer verib.

 

Proqnoza əsasən, İran Ümum Daxili Məhsulunun həcmi baxımından Nikaraquadan sonra ən pis indeksə sahib olan ölkə olacaq.

 

Bu Beynəlxalq qurum ötən ilin yarısında İranın 2019-cu il üçün iqtisadi inkişafını +4.1% proqnozlaşdırsa da, cari ilin yanvar ayında bu rəqəmin -3.6 faiz olacağını bildirmişdi. Yeni yayılmış proqnoza əsasən isə, 2019-cu ildə İranın intisadi inkişafının həcmi -4.5% olacaq.

 

Bank bunun səbəbinin Amerikanın sanksiyaları, xüsusilə də neft ixracatına qoyduğu embarqolar nəticəsində İranın dövlət gəlirlərinin azalması ilə əlaqələndirib.

 

Dünya Bankının İran iqtisadiyyatının inkişaf ilə bağlı proqnozu Beynəlxalq Valyuta Fondununkundan daha ürəkaçandır. Belə ki, Fond bu xüsusda hazırladığı son hesabatda bildirmişdi ki, İran iqtisadiyyatı 2019-cu ildə təqribən 6% kiçiləcək.

 

Dünya Bankının proqnozlarla bağlı yayımladığı bu yeni hesabatda həmçinin qeyd edilir ki, İranda 2018-ci ilin yarısında təqribən 10% olan inflyasiya həddi 2019-cu ilin aprel ayına qədər 52%-ə çatıb və riyalın öz dəyərini kəskin itirməsi də İran iqtisadiyyatının ən böyük problemlərindəndir.

 

Qeyd etmək lazımdır ki, Amerika Birləşmiş Ştatlarının 2018-ci ilin may ayında nüvə razılaşmasından çıxmaqla, rəsmi Tehrana qarşı yenidən sanksiyalar tətbiq etməsi İran iqtisadiyyatını iflic vəziyyətə salıb. Noyabr ayının 5-də İranın dövlət gəlirlərinin 70%-dən çoxunu təmin edən neft ixracatına sanksiya qoyulması ilə bu tənəzzül daha da sürətlənib.  İranın milli pul vahidi- riyal isə 2018-ci ilin yayından bu günə qədər təqribən 70% ucuzlaşıb.

 

Ə.A

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar