Contact Us

SON XƏBƏRLƏR

Ukraynada növbədənkənar parlament seçkilərinin yekun nəticələri açıqlanıb

2021.10.20, 07:36
Ukraynada növbədənkənar parlament seçkilərinin yekun nəticələri açıqlanıb

Gunaz.tv

GünAz TV: Ukrayna Mərkəzi Seçki Komissiyası növbədənkənar parlament seçkilərində istifadə olunan səsvermə bülletenlərinin sayılmasını başa çatdırıb.  

 

"Report" xəbər verir ki, məlumatı UNİAN yayıb.

 

Yekun nəticələrə görə, prezident Vladimir Zelenskinin Xalqın Xidmətçisi Partiyasına seçkidə iştirak edən seçicilərin 43,16 faizi ( 6 milyon 307 min 97 nəfər) səs verib. 

 

Müxalifət Platforması - Həyat uğrunda Partiya 13,05 faiz (1 milyon 908 min 87), Batkivşina - 8,18 faiz (1 milyon 196 min 258), Avropa Həmrəliyi Partiyası 8,1 faiz (1 milyon 184 min 475) Səs Partiyası 5,82 faiz (851 min 669) səs toplayıb.

 

Sekilərdə iştirak edən başqa partiyalar 5 faizlik seçki baryeini aşa bilməyiblər. Bununla da Ukrayna parlamentində 5 partiya təmsil olunacaq.

 

Qeyd edək ki, Ukrayna parlamentinə növbədənkənar seçkilər iyulun 21-də keçirilib. Seçkilərdə 21 partiya və siyasi təşkilat iştirak edib. Seçki proporsional və majoritar sistemlər üzrə keçirilib. Ukrayna parlamenti 450 deputatdan formalaşır. Krım Rusiya tərəfindən ilha edildiyi və Donetsk və Luqansk vilayətləri Rusiyanın dəstəyi ilə hərbi qarşıdurma vəziyyətində olduqlarından həmin ərazilərdə seçkilər keçirilməyib. Nəticədə parlamentə 26 yer boş qalıb. 

 

N.S

Açar Sözlər :

SEÇİLMİŞ XƏBƏRLƏR

Çox oxunanlar