Contact Us

SON XƏBƏRLƏR

Axund Məhəmməd Yəzdi: “Konsert keçirmək bəhanəsi ilə rəqqaslığa rəvac verilməsinin qarşısı alınmalıdır”

2021.10.20, 07:36
Axund Məhəmməd Yəzdi: “Konsert keçirmək bəhanəsi ilə rəqqaslığa rəvac verilməsinin qarşısı alınmalıdır”

Gunaz.tv

GünazTV: İranda Konstitusiyaya Nəzarət Şurasının üzvü axund Məhəmməd Yəzdi avqustun 9-da jurnalistlərə açıqlamasında ölkənin müxtəlif şəhərlərində konsert keçirilməsindən və gənclərin həmin konsertlərdə rəqs edərək şənlənməsindən gileylənib.

 

Axund Yəzdi deyib ki, ölkənin müxtəlif şəhərlərində keçirilən konsertlərdə şadlıq adı altında Allahın hüquqları pozulur: “Biz ölkə vətəndaşlarının şadlıq etməsinə qarşı deyilik. Lakin şadlıq adı altında Allahın hüququ pozulmamalı, tapdanmamalıdır. Prokurorların üzərinə düşən əsas vəzifələrdən biri insanların hüquqlarını qorumaqdır. Lakin hesab edirəm ki, insanların hüququndan əvvəl Allahın hüququna riayət olunmalıdır.

 

Təəssüflər olsun ki, bəzi şəhərlərdə konsert keçirmək bəhanəsi ilə şadlıq adı altında günah işlədilir, pozğunluğa və sənət adı ilə rəqqaslığa rəvac verilir. Bu isə yolverilməzdir. Düşünürəm ki, konsert keçirilməsinə icazə verilsə də, konsertə qatılanların şadlıq və şənlənmə adı altında rəqqaslıq etməyə, hicabını atmağa haqqı yoxdur və bu kimi əməllərin qarşısı alınmalıdır” –deyə Konstitusiyaya Nəzarət Şurasının 88 yaşlı üzvü axund Məhəmməd Yəzdi əlavə edib.

 

Qeyd edək ki, son illər İranın İrşad Nazirliyi bəzi şəhərlərdə məhdud və nəzarətli konsertlərin keçirilməsinə rəsmi icazə versə də, həmin şəhərlərin imam cümələri və digər ruhanilər,  konsertlərin keçirilməsinə etiraz edir, müxtəlif yollarla onların qarşısını alırlar.

 

A.M

Açar Sözlər :

SEÇİLMİŞ XƏBƏRLƏR

Çox oxunanlar